Almaty qalasynyń Alataý aýdanynda qala ákimi Erbolat Dosaevtyń tapsyrmasy boiynsha jáne jergilikti turǵyndardyń ótinishterin eskere otyryp, alǵashqy meditsinalyq-sanitarlyq kómek ortalyǵynyń (MSAK) jańa ǵimaraty ashyldy,- dep habarlaidy Dalanews.kz
Jańa bes qabatty MSAK ortalyǵy №25 qalalyq emhananyń filialy jáne ol jaqyn mańdaǵy shaǵyn aýdandardyń 18 myń turǵynyna qyzmet kórsetýge eseptelgen. Ortalyqtyń jobalyq qýaty bir aýysymda 200 kelýshini quraidy. Ǵimaratta tórt bólimshe ornalasqan: ýchaskelik qyzmet, mamandandyrylǵan meditsinalyq kómek bólimshesi, ginekologiialyq bólimshe jáne klinikalyq-diagnostikalyq bólimshe. Ortalyq ýltradybystyq, rentgen, aýdiogramma, spirografiia, kolposkopiia jáne EKG apparattaryn qosa alǵanda, zamanaýi meditsinalyq jabdyqtarmen jabdyqtalǵan.
Buǵan deiin Qarasý shaǵyn aýdanynyń 18 myńnan astam turǵyny №21 emhana filialynyń eski ǵimaratynda meditsinalyq kómek alǵan, onda ambýlatoriia nebári 160 sharshy metr aýmaqta ornalasqan. Jańa ortalyqtyń ashylýy aýdan turǵyndaryna qolaily jaǵdaida sapaly jáne ýaqtyly meditsinalyq kómek alýǵa múmkindik beredi.
Qarasý shaǵyn aýdanynyń turǵyny jańa dárigerlik ambýlatoriia ashqany úshin alǵysyn bildirdi.
«Qazir bizde úidiń janynda osyndai zamanaýi meditsinalyq mekemeniń bolǵany óte jaqsy. Endi bári qoljetimdi. Qala basshylyǵyna bizdiń qajettilikterimizge nazar aýdarǵanyńyz jáne turǵyndardyń densaýlyǵyna qamqorlyq jasaǵanyńyz úshin rahmet aitamyz», - dep óz oiymen bólisti ol.
Patsientterge yńǵaily bolý úshin jańa ǵimaratta barlyq qajetti jaǵdailar jasalǵan, sonyń ishinde halyqtyń az qozǵalatyn toptary (AQT) úshin qoljetimdilik. Ǵimarat ishinde barlyq qabattarǵa kirýdi qamtamasyz etetin júk-jolaýshylar lifti, sondai-aq ilespe baspaldaqtar bar. Kire beriste múmkindigi shekteýli jandarǵa ǵimaratqa kedergisiz kirýge múmkindik beretin pandýstar ornatylǵan. Sonymen qatar, eki qabatta AQT qajettilikterine beiimdelgen mamandandyrylǵan jýynatyn bólmeler jabdyqtalǵan, bul meditsinalyq qyzmetterdi patsientterdiń barlyq sanattary úshin qoljetimdi etedi.
Aita keteiik, ótken jyly Almatyda úsh otbasylyq-dárigerlik ambýlatoriia paidalanýǵa berildi: Nurshashqan shaǵyn aýdanynda (aýysymyna 100 kelýshige), Mamyr shaǵyn aýdanynda (200 kelýshige) jáne Kemel shaǵyn aýdanynda (aýysymyna 200 kelýshige), sondai-aq Balalar shuǵyl meditsinalyq kómek ortalyǵynyń jańa qabyldaý bólmesi.
Búginde Saialy shaǵyn aýdanynda emhana, Aibasov kóshesindegi MSAK ortalyǵy jáne №4 jedel járdem qosalqy stantsiiasynyń qurylysy júrgizilýde.
Sondai-aq, №4 qalalyq klinikalyq aýrýhanany, Bostandyq jáne Naýryzbai aýdandaryndaǵy emhanalardy rekonstrýktsiialaý jobalaryna oń saraptama berildi.
Ótken jyly Densaýlyq saqtaý ministrligimen birlesip, 2030 jylǵa deiin meditsinalyq obektilerdi salý men jańǵyrtýdyń kezeń-kezeńdik jospary bekitildi, ol 32 jańa densaýlyq saqtaý obektilerin salýdy jáne 14 qoldanystaǵy obektilerdi jańartýdy kózdeidi.
