Almatyda 2025 jyly «Halyq qatysatyn biýdjet» baǵdarlamasy boiynsha 300-den astam joba júzege asyrylady. «Halyq qatysatyn biýdjet» baǵdarlamasy – Almaty qalasynyń turǵyndaryn qalany damytý jáne abattandyrý jobalaryna belsendi qatystyrý maqsatynda iske asyp jatqan mańyzdy bastama. Bul – baǵdarlama azamattardyń óz ideialary men usynystaryn usynýǵa jáne olardyń júzege asyrylýyna tikelei yqpal etýge múmkindik beredi, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Baǵdarlama qala turǵyndarynyń jergilikti máselelerdi sheshýge, infraqurylymyn jaqsartýda qoǵamnyń suranystaryn eskertý jáne bul baǵyttaǵy jumystardy júzege asyrýda ashyqtyqty qamtamasyz etip, turǵyndar men bilik arasyndaǵy dialogty nyǵaitýdy kózdeidi.
Qala turǵyndary óz aýdanynyń qajettilikterine sáikes jobalardy usynyp, óz usynystaryn arnaiy onlain-platforma nemese ákimdikke tikelei jiberedi. Usynystarǵa balalar oiyn alańdaryn ornatý, saiabaqtardy abattandyrý, jaiaý júrginshiler joldaryn jóndeý, sporttyq alańdardy salý syndy mańyzdy dúnieler bar.
Búginde «Halyq qatysatyn biýdjet» (HQB) baǵdarlamasy aiasyndaǵy daýys berý qorytyndysy boiynsha iske asyrylatyn jobalardyń sany 308-ge jetken. Aýdandyq ákimdikter men saraptamalyq keńester budget.open-almaty.kz saitynda ótken onlain daýys berý nátijesin qorytyndylady. Jalpy alǵanda, jobalarǵa 163,5 myń daýys berildi, bul 2023 jylmen salystyrǵanda 31%-ǵa artyq. Eń kóp joba usynǵan Alataý aýdanynda – 50, odan keiin Almaly aýdanynda – 45 joba, Áýezov jáne Bostandyq aýdandarynda – 42 jáne 41 joba maquldanǵan. Eń azy Naýryzbai aýdanynda – 26 joba.
Aita ketsek, HQB-nyń 2025 jylǵa arnalǵan ár aýdan boiynsha saraptamalyq keńesterdiń sheshimderi «Qujattar» bóliminde jariialanǵan. Árbir ótinimniń mártebesin «Jobalar» qosymsha betindegi «Mártebe» súzgisi arqyly tekserýge bolady.
Esterińizge sala keteiik, onlain daýys berý 2024 jyly 22 qazan men 1 qarasha aralyǵynda ótip, nátijesi 7 qarashaǵa deiin qorytyndylandy. Kelesi kezeńde biýdjet ótinimderin qalyptastyrý 31 jeltoqsanǵa deiin jalǵasady. Jobalardyń 2025 jyly júzege asyrylady.
«Halyq qatysatyn biýdjet» baǵdarlamasy týraly keńes nemese aqparat alý úshin aýdandyq ákimdikterge nemese Almaty ákimdiginiń qoǵamdyq qabyldaý bólmesi Open Almaty-ǵa 224 39 29 (ishki 203) telefony arqyly habarlasýǵa bolady.
Almaty ákimi Erbolat Dosaevtyń tapsyrmasymen 2024 jyly «Halyq qatysatyn biýdjet» baǵdarlamasyn qarjylandyrý 18,8 mlrd teńgege deiin ulǵaidy (2023 jyly 12,9 mlrd bolǵan).
Qazirgi ýaqytta aýdandyq ákimdikter 2023 jyly daýys berý nátijesi boiynsha jeńimpaz bolǵan jobalardy júzege asyrýda. Búgingi kúnge deiin 2019-2023 jyldar aralyǵyndaǵy ótinimder boiynsha 1 186 joba júzege asyryldy.
«Halyq qatysatyn biýdjet» baǵdarlamasy usynylǵan usynystar aýdan ákimdigi men mamandardan quralǵan komissiia tarapynan qaralady. Qalanyń qajettilikteri men biýdjettik múmkindikterge sáikes jobalar irikteledi.
Qazirgi tańda «Halyq qatysatyn biýdjet» Almaty qalasynyń barlyq aýdandarynda engizilgen. 2023 jyly bul baǵdarlama aiasynda qala turǵyndarynyń qatysýymen 190-nan astam joba júzege asyryldy. Olardyń qataryna jaiaý júrginshiler joldaryn jańartý, balalar alańdaryn salý, sporttyq infraqurylymdy jaqsartý, jasyl aimaqtardy kóbeitý jobalary kirgen bolatyn.
Turǵyndardyń usynystary olardyń naqty qajettilikterine sai bolǵandyqtan, baǵdarlamanyń nátijeleri qalanyń damýyna tikelei áser etetini sózsiz.
«Halyq qatysatyn biýdjet» baǵdarlamasy – Almaty qalasynyń turǵyndary úshin óz aýdandaryn jaqsartýǵa múmkindik beretin tiimdi qural. Bul bastama azamattyq belsendilikti arttyryp qana qoimai, qalany turǵyndar úshin yńǵaily jáne qolaily etýge úlken úles qosady. Aldaǵy jyldary baǵdarlamanyń aýqymy keńeiip, Almatynyń barlyq aýdandarynda turǵyndar usynǵan jańa jobalar iske asyrylady dep kútilýde.
