الماتىدا 2025 جىلى «حالىق قاتىساتىن بيۋدجەت» باعدارلاماسى بويىنشا 300-دەن استام جوبا جٷزەگە اسىرىلادى. «حالىق قاتىساتىن بيۋدجەت» باعدارلاماسى – الماتى قالاسىنىڭ تۇرعىندارىن قالانى دامىتۋ جەنە اباتتاندىرۋ جوبالارىنا بەلسەندٸ قاتىستىرۋ ماقساتىندا ٸسكە اسىپ جاتقان ماڭىزدى باستاما. بۇل – باعدارلاما ازاماتتاردىڭ ٶز يدەيالارى مەن ۇسىنىستارىن ۇسىنۋعا جەنە ولاردىڭ جٷزەگە اسىرىلۋىنا تٸكەلەي ىقپال ەتۋگە مٷمكٸندٸك بەرەدٸ, – دەپ حابارلايدى Dalanews.kz الماتى قالاسى ەكٸمٸنٸڭ باسپاسٶز قىزمەتٸنە سٸلتەمە جاساپ.
باعدارلاما قالا تۇرعىندارىنىڭ جەرگٸلٸكتٸ مەسەلەلەردٸ شەشۋگە, ينفراقۇرىلىمىن جاقسارتۋدا قوعامنىڭ سۇرانىستارىن ەسكەرتۋ جەنە بۇل باعىتتاعى جۇمىستاردى جٷزەگە اسىرۋدا اشىقتىقتى قامتاماسىز ەتٸپ, تۇرعىندار مەن بيلٸك اراسىنداعى ديالوگتى نىعايتۋدى كٶزدەيدٸ.
قالا تۇرعىندارى ٶز اۋدانىنىڭ قاجەتتٸلٸكتەرٸنە سەيكەس جوبالاردى ۇسىنىپ, ٶز ۇسىنىستارىن ارنايى ونلاين-پلاتفورما نەمەسە ەكٸمدٸككە تٸكەلەي جٸبەرەدٸ. ۇسىنىستارعا بالالار ويىن الاڭدارىن ورناتۋ, ساياباقتاردى اباتتاندىرۋ, جاياۋ جٷرگٸنشٸلەر جولدارىن جٶندەۋ, سپورتتىق الاڭداردى سالۋ سىندى ماڭىزدى دٷنيەلەر بار.
بٷگٸندە «حالىق قاتىساتىن بيۋدجەت» (حقب) باعدارلاماسى اياسىنداعى داۋىس بەرۋ قورىتىندىسى بويىنشا ٸسكە اسىرىلاتىن جوبالاردىڭ سانى 308-گە جەتكەن. اۋداندىق ەكٸمدٸكتەر مەن ساراپتامالىق كەڭەستەر budget.open-almaty.kz سايتىندا ٶتكەن ونلاين داۋىس بەرۋ نەتيجەسٸن قورىتىندىلادى. جالپى العاندا, جوبالارعا 163,5 مىڭ داۋىس بەرٸلدٸ, بۇل 2023 جىلمەن سالىستىرعاندا 31%-عا ارتىق. ەڭ كٶپ جوبا ۇسىنعان الاتاۋ اۋدانىندا – 50, ودان كەيٸن المالى اۋدانىندا – 45 جوبا, ەۋەزوۆ جەنە بوستاندىق اۋداندارىندا – 42 جەنە 41 جوبا ماقۇلدانعان. ەڭ ازى ناۋرىزباي اۋدانىندا – 26 جوبا.
ايتا كەتسەك, حقب-نىڭ 2025 جىلعا ارنالعان ەر اۋدان بويىنشا ساراپتامالىق كەڭەستەردٸڭ شەشٸمدەرٸ «قۇجاتتار» بٶلٸمٸندە جارييالانعان. ەربٸر ٶتٸنٸمنٸڭ مەرتەبەسٸن «جوبالار» قوسىمشا بەتٸندەگٸ «مەرتەبە» سٷزگٸسٸ ارقىلى تەكسەرۋگە بولادى.
ەستەرٸڭٸزگە سالا كەتەيٸك, ونلاين داۋىس بەرۋ 2024 جىلى 22 قازان مەن 1 قاراشا ارالىعىندا ٶتٸپ, نەتيجەسٸ 7 قاراشاعا دەيٸن قورىتىندىلاندى. كەلەسٸ كەزەڭدە بيۋدجەت ٶتٸنٸمدەرٸن قالىپتاستىرۋ 31 جەلتوقسانعا دەيٸن جالعاسادى. جوبالاردىڭ 2025 جىلى جٷزەگە اسىرىلادى.
«حالىق قاتىساتىن بيۋدجەت» باعدارلاماسى تۋرالى كەڭەس نەمەسە اقپارات الۋ ٷشٸن اۋداندىق ەكٸمدٸكتەرگە نەمەسە الماتى ەكٸمدٸگٸنٸڭ قوعامدىق قابىلداۋ بٶلمەسٸ Open Almaty-عا 224 39 29 (ٸشكٸ 203) تەلەفونى ارقىلى حابارلاسۋعا بولادى.
الماتى ەكٸمٸ ەربولات دوساەۆتىڭ تاپسىرماسىمەن 2024 جىلى «حالىق قاتىساتىن بيۋدجەت» باعدارلاماسىن قارجىلاندىرۋ 18,8 ملرد تەڭگەگە دەيٸن ۇلعايدى (2023 جىلى 12,9 ملرد بولعان).
قازٸرگٸ ۋاقىتتا اۋداندىق ەكٸمدٸكتەر 2023 جىلى داۋىس بەرۋ نەتيجەسٸ بويىنشا جەڭٸمپاز بولعان جوبالاردى جٷزەگە اسىرۋدا. بٷگٸنگٸ كٷنگە دەيٸن 2019-2023 جىلدار ارالىعىنداعى ٶتٸنٸمدەر بويىنشا 1 186 جوبا جٷزەگە اسىرىلدى.
«حالىق قاتىساتىن بيۋدجەت» باعدارلاماسى ۇسىنىلعان ۇسىنىستار اۋدان ەكٸمدٸگٸ مەن مامانداردان قۇرالعان كوميسسييا تاراپىنان قارالادى. قالانىڭ قاجەتتٸلٸكتەرٸ مەن بيۋدجەتتٸك مٷمكٸندٸكتەرگە سەيكەس جوبالار ٸرٸكتەلەدٸ.
قازٸرگٸ تاڭدا «حالىق قاتىساتىن بيۋدجەت» الماتى قالاسىنىڭ بارلىق اۋداندارىندا ەنگٸزٸلگەن. 2023 جىلى بۇل باعدارلاما اياسىندا قالا تۇرعىندارىنىڭ قاتىسۋىمەن 190-نان استام جوبا جٷزەگە اسىرىلدى. ولاردىڭ قاتارىنا جاياۋ جٷرگٸنشٸلەر جولدارىن جاڭارتۋ, بالالار الاڭدارىن سالۋ, سپورتتىق ينفراقۇرىلىمدى جاقسارتۋ, جاسىل ايماقتاردى كٶبەيتۋ جوبالارى كٸرگەن بولاتىن.
تۇرعىنداردىڭ ۇسىنىستارى ولاردىڭ ناقتى قاجەتتٸلٸكتەرٸنە ساي بولعاندىقتان, باعدارلامانىڭ نەتيجەلەرٸ قالانىڭ دامۋىنا تٸكەلەي ەسەر ەتەتٸنٸ سٶزسٸز.
«حالىق قاتىساتىن بيۋدجەت» باعدارلاماسى – الماتى قالاسىنىڭ تۇرعىندارى ٷشٸن ٶز اۋداندارىن جاقسارتۋعا مٷمكٸندٸك بەرەتٸن تيٸمدٸ قۇرال. بۇل باستاما ازاماتتىق بەلسەندٸلٸكتٸ ارتتىرىپ قانا قويماي, قالانى تۇرعىندار ٷشٸن ىڭعايلى جەنە قولايلى ەتۋگە ٷلكەن ٷلەس قوسادى. الداعى جىلدارى باعدارلامانىڭ اۋقىمى كەڭەيٸپ, الماتىنىڭ بارلىق اۋداندارىندا تۇرعىندار ۇسىنعان جاڭا جوبالار ٸسكە اسىرىلادى دەپ كٷتٸلۋدە.
