«Másele jer silkinisiniń oshaq tereńdigi, qurylys nysanynyń sapasy men onyń silkinis oshaǵynan qashyqtyǵyna baılanysty. Eger silkinis oshaǵy jer betine jaqyn ornalasyp, nysan onyń epısentrine jaqyn álsiz grýntta bolsa, onda 5 baldyq jer silkinisi de apatty bolýy yqtımal», - dep jazdy ǵalym «Jas alash» gazetine.
Onyń deregine qaraǵanda, epısentri jaqyn ornalasqan zilzala bir-eki qabatty qurylysqa, al epısentri qashyq ornalasqan zilzala kópqabatty nysandarǵa asa qaýipti.
«7 baldyq jer silkinisi seısmıkalyq berik qurylys normatıvterimen salynǵan nysandarǵa qaýipti emes, al 9 baldyq jer silkinisinen qala aýmaǵyndaǵy nysandardyń jartysyna jýyǵy qatty zaqymdanyp, qıraýy yqtımal», - deıdi Álqýat Nurmaǵambetov.
Aıta keteıik, qaladaǵy qurylys nysandary 6 tıpke bólinedi: 9 baldyq silkiniste 1 jáne 2-tıptes nysandar (jergilikti materıaldan jáne aǵashpen jabylǵan, kirpishten salynǵan) tolyǵymen qıraıdy, 3-tıptes nysandar (temirbetonmen jabylyp, kirpishten salynǵan) – jarym-jartylaı, 4-5-tıptes nysandar (antıseısmıkalyq ádistermen kúsheıtilgen) – qatty zaqymdalady, al 6-tıptes tıptes nysandar (iri paneldi) – ortasha zaqymdalady.
Foto kris_p_almaty
Kollaj: Dalanews.kz
