Алматы қаласы үшін қандай зілзала қауіпті?

Dalanews 23 қаң. 2024 15:28 1730

Сейсмология саласының маманы, профессор Әлқуат Нұрмағамбетовтің «Жас алаш» газетінде «Алматыдағы жойқын зілзала туралы дақпырт» деген мақаласы жарық көрді. Ғалым онда тақырыптағы сауалға жауап берген, деп хабарлайды Dalanews.kz.

«Мәселе жер сілкінісінің ошақ тереңдігі, құрылыс нысанының сапасы мен оның сілкініс ошағынан қашықтығына байланысты. Егер сілкініс ошағы жер бетіне жақын орналасып, нысан оның эпицентріне жақын әлсіз грунтта болса, онда 5 балдық жер сілкінісі де апатты болуы ықтимал», - деп жазды ғалым «Жас алаш» газетіне.

Оның дерегіне қарағанда, эпицентрі жақын орналасқан зілзала бір-екі қабатты құрылысқа, ал эпицентрі қашық орналасқан зілзала көпқабатты нысандарға аса қауіпті.

«7 балдық жер сілкінісі сейсмикалық берік құрылыс нормативтерімен салынған нысандарға қауіпті емес, ал 9 балдық жер сілкінісінен қала аумағындағы нысандардың жартысына жуығы қатты зақымданып, қирауы ықтимал», - дейді Әлқуат Нұрмағамбетов.


Айта кетейік, қаладағы құрылыс нысандары 6 типке бөлінеді: 9 баллдық сілкіністе 1 және 2-типтес нысандар (жергілікті материалдан және ағашпен жабылған, кірпіштен салынған) толығымен қирайды, 3-типтес нысандар (темірбетонмен жабылып, кірпіштен салынған) – жарым-жартылай, 4-5-типтес нысандар (антисейсмикалық әдістермен күшейтілген) – қатты зақымдалады, ал 6-типтес типтес нысандар (ірі панельді) – орташа зақымдалады.

Фото kris_p_almaty
Коллаж: Dalanews.kz

Ұсынылған
Соңғы жаңалықтар
x