Almaty qalamv ákimi Erbolat Dosaev Tómengi Besaryq shaǵyn aýdanynyń turǵyndaryna sýmen jabdyqtaý jáne sý burý jelileriniń qurylys merzimi men sapasyna qatysty suraqtarǵa jaýap berdi, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Búginde josparlanǵan 115,5 shaqyrmdyq sý qubyrynyń 100 shaqyrymy, 31,8 shaqyrym káriz jelisiniń 27,8 shaqyrymy salyndy. Jelilerge 4080 abonent, 67 kóshe qosylady.
Almaty ákimi atap ótkendei, asfalttaý jelilerdi tóseý men tekserýden keiin júrgiziledi, osylaisha jol jabynyn qaitadan qazbaýǵa múmkindik týady. Aldaǵy ýaqytta 45 kóshege asfalt tóselinip, barlyǵy 280 myń sharshy metr jol jabynyn qalpyna keltirý josparlanǵan. Qazirgi tańda sonyń 150 myń sharshy metri qalpyna keltirildi.
Turǵyndar atqarylyp jatqan jumystyń sapasyna nazar aýdarǵandyqtan, Erbolat Dosaev injenerlik jeliler boiynsha tehnikalyq baqylaýdy júzege asyratyn kompaniiamen birlesip baqylaýdy kúsheitýdi tapsyrdy.
Asfalttaý sapasyn Qalalyq mobildilik basqarmasy men Jol aktivteriniń ulttyq sapa ortalyǵy tekseredi. Sonymen qatar, merdigerge jaiaý júrginshilerdiń qaýipsiz qozǵalysyn qamtamasyz etý úshin jeke trotýarlardyń qurylysyn júrgizý qajettigi týraly eskertildi.
Qala ákimi turǵyndarǵa qurylys jumystary 15 jeltoqsanǵa deiin aiaqtalatynyn atap ótti.
– Bul jobanyń jaǵdaiyn óte jaqsy bilemin. Injenerlik jelilerdi belgilengen merzimde sapaly túrde júrgizý quzyrly oryndar men turǵyndardyń basty nazarynda. Bul – kóshelerdiń asfalttalýyna da qatysty. Eger de jol jabyny shógip nemese búlinse, merdiger kepildik mindettemeleri aiasynda qalpyna keltirýi tiis. Turǵyndar kótergen barlyq másele boiynsha tapsyrmalar berildi, olar hattamamen bekitildi. Aldaǵy ýaqytta bul jumystardyń bári meniń jeke baqylaýymda bolady, – dedi Erbolat Dosaev.
Aita ketý kerek, Tómengi Besaryq shaǵyn aýdanynda sý qubyry men káriz jelilerin salý jobasy 2021 jyldan bastap Energetika jáne sý sharýashylyǵy basqarmasynyń tapsyrysy boiynsha «Alvis» jaýapkershiligi shekteýli seriktestigimen júzege asyrylýda. Ótken jyly materialdardyń qymbattaýyna bailanysty joba 8 ai boiy túzetildi.
