Almaty qalasynyń jer resýrstaryn basqarý departamenti Almaty qalasyndaǵy alma baqtarǵa qatysty aqparat málimet taratty, – dep habarlaidy Dalanews.kz.
2004 jyly «Halyqaralyq klýbtar qaýymdastyǵy» JShS Qarasai aýdany aýmaǵynan (keiin Almaty shegine engen) taýarly aýyl sharýashylyǵyn júrgizý úshin kólemi 884,9 gektar jer ýchaskesine menshik quqyǵyn alǵan. Bul quqyq aýdan ákiminiń sheshimimen (2004 jyl maýsym) berilgen.
Almaty qalasynyń jer qatynastary basqarmasynyń 2015 jylǵy 28 qyrkúiektegi bólý týraly qorytyndysy men 2015 jylǵy 30 jeltoqsandaǵy buiryǵy negizinde atalǵan jer ýchaskesi 16 ýchaskege bólinip, jańa kadastrlyq nómirleri berilgen.
Bul jer ýchaskesi arqyly Kerenqulaq ózeni men Berqara ózeni aǵyp jatqanyn atap ótý mańyzdy. QR Jer kodeksiniń (2004 jyly qoldanysta bolǵan) 132 jáne 133-baptaryna sáikes sý qorynyń jerleri memlekettik menshik bolyp tabylady jáne tiisti organdardyń kelisimderimen ýaqytsha paidalanýǵa ǵana berilýi múmkin. Osyǵan sáikes, Qarasai aýdanynyń jergilikti atqarýshy organymen atalǵan jer ýchaskesin berý kezinde kezde sý aidyndary alyp jatqan jerlerdi berýge tyiym salý bóliginde jer zańnamasynyń normalary eskerilmegen.
Qazirgi ýaqytta, Almaty qalasynyń prokýratýrasymen «Halyqaralyq klýbtar qaýymdastyǵy» JShS-i men «Qarasai aýdany ákiminiń apparaty» MM-ne mámileni jaramsyz dep taný týraly talap aryz berildi.
Almaty qalasynyń mamandandyrylǵan aýdanaralyq ekonomikalyq sotymen talap aryz óndiriske qabyldandy (2024 jylǵy 10 qazandaǵy uiǵarym).
Memlekettik organdardyń, jeke, zańdy jáne laýazymdy tulǵalardyń Qazaqstan Respýblikasynyń jer zańnamasyn saqtaýyn qamtamasyz etý jer zańnamasynyń mindetteriniń biri bolyp tabylatyndyqtan, Qazaqstan Respýblikasy normativtik quqyqtyq aktileriniń barlyq normalaryn saqtaý qajet dep sanaimyz.
