الماتى قالاسىنىڭ جەر رەسۋرستارىن باسقارۋ دەپارتامەنتى الماتى قالاسىنداعى الما باقتارعا قاتىستى اقپارات مالىمەت تاراتتى، – دەپ حابارلايدى Dalanews.kz.  

2004 جىلى «حالىقارالىق كلۋبتار قاۋىمداستىعى» ج ش س قاراساي اۋدانى اۋماعىنان (كەيىن الماتى شەگىنە ەنگەن) تاۋارلى اۋىل شارۋاشىلىعىن جۇرگىزۋ ءۇشىن كولەمى 884،9 گەكتار جەر ۋچاسكەسىنە مەنشىك قۇقىعىن العان. بۇل قۇقىق اۋدان اكىمىنىڭ شەشىمىمەن (2004 جىل ماۋسىم) بەرىلگەن.

الماتى قالاسىنىڭ جەر قاتىناستارى باسقارماسىنىڭ 2015 جىلعى 28 قىركۇيەكتەگى ءبولۋ تۋرالى قورىتىندىسى مەن 2015 جىلعى 30 جەلتوقسانداعى بۇيرىعى نەگىزىندە اتالعان جەر ۋچاسكەسى 16 ۋچاسكەگە ءبولىنىپ، جاڭا كاداسترلىق نومىرلەرى بەرىلگەن.

بۇل جەر ۋچاسكەسى ارقىلى كەرەنقۇلاق وزەنى مەن بەرقارا وزەنى اعىپ جاتقانىن اتاپ ءوتۋ ماڭىزدى. ق ر جەر كودەكسىنىڭ (2004 جىلى قولدانىستا بولعان) 132 جانە 133-باپتارىنا سايكەس سۋ قورىنىڭ جەرلەرى مەملەكەتتىك مەنشىك بولىپ تابىلادى جانە ءتيىستى ورگانداردىڭ كەلىسىمدەرىمەن ۋاقىتشا پايدالانۋعا عانا بەرىلۋى مۇمكىن. وسىعان سايكەس، قاراساي اۋدانىنىڭ جەرگىلىكتى اتقارۋشى ورگانىمەن اتالعان جەر ۋچاسكەسىن بەرۋ كەزىندە كەزدە سۋ ايدىندارى الىپ جاتقان جەرلەردى بەرۋگە تىيىم سالۋ بولىگىندە جەر زاڭناماسىنىڭ نورمالارى ەسكەرىلمەگەن.

قازىرگى ۋاقىتتا، الماتى قالاسىنىڭ پروكۋراتۋراسىمەن «حالىقارالىق كلۋبتار قاۋىمداستىعى» ءجشس-ى مەن «قاراساي اۋدانى اكىمىنىڭ اپپاراتى»  مم-نە مامىلەنى جارامسىز دەپ تانۋ تۋرالى تالاپ ارىز بەرىلدى.

الماتى قالاسىنىڭ مامانداندىرىلعان اۋدانارالىق ەكونوميكالىق سوتىمەن تالاپ ارىز وندىرىسكە قابىلداندى (2024 جىلعى 10 قازانداعى ۇيعارىم).

مەملەكەتتىك ورگانداردىڭ، جەكە، زاڭدى جانە لاۋازىمدى تۇلعالاردىڭ قازاقستان رەسپۋبليكاسىنىڭ جەر زاڭناماسىن ساقتاۋىن قامتاماسىز ەتۋ جەر زاڭناماسىنىڭ مىندەتتەرىنىڭ ءبىرى بولىپ تابىلاتىندىقتان، قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ بارلىق نورمالارىن ساقتاۋ قاجەت دەپ سانايمىز.