Almaty ákimi Darhan Satybaldynyń ókimimen, Qazaqstan Respýblıkasy Prezıdent Ákimshiligi men qalalyq máslıhattyń kelisimi boıynsha Alataý aýdanynyń ákimi bolyp Danıar Qyryqbaev taǵaıyndaldy,- dep habarlaıdy Dalanews.kz
Aıta keteıik, 2024 jyldyń sáýirinen bastap ol Almaty qalasynyń qala qurylysyn baqylaý basqarmasynyń basshysy qyzmetin atqarǵan.
Danıar Batanuly Qyryqbaev 1986 jyldyń 29 sáýirinde Almaty oblysynyń Jambyl aýdanynda dúnıege kelgen.
Ál-Farabı atyndaǵy Qazaq ulttyq ýnıversıtetin, İ. Jansúgirov atyndaǵy Jetisý memlekettik ýnıversıtetin jáne L.B. Goncharov atyndaǵy Qazaq avtomobıl-jol ınstıtýtyn bitirgen.
Eńbek jolyn 2007 jyly bank sektorynda bastady. Ár jyldary «Qazaqstan temir joly» ulttyq kompanıasynda, Bas prokýratýrada, Parlament Senaty Apparatynda jáne Joǵarǵy sotta qyzmet etti. Sondaı-aq Almaty qalasy boıynsha sottar ákimshisiniń basshysy boldy.
2019–2021 jyldary «Azamattarǵa arnalǵan úkimet» memlekettik korporasıasynyń Almaty qalalyq fılıalynyń dırektory qyzmetin atqardy.
2021 jyldan beri Almaty qalasynyń Komýnaldyq ınfraqurylymdy damytý basqarmasyn basqardy.
