Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Almaty qalasy ákimdigi jańa oqý jylynda qashyqta turatyn oqýshylardy tasmaldaý úshin 100 avtobýs satyp aldy

Dalanews
Almaty qalasy ákimdigi jańa oqý jylynda qashyqta turatyn oqýshylardy tasmaldaý úshin 100 avtobýs satyp aldy
Jańa oqý jylynda Almatyda 31 myń bala birinshi synypqa bardy. Qala mektepterinde ótken saltanatty jiynǵa qala ákiminiń orynbasarlary Ásem Núsipova, Arman Qyryqbaev, Álisher Ábdiqadyrov, sondai-aq aýdan ákimderi qatysty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.

Bilim kúni Almatyda 323 mektep esigin aiqara ashty, onyń 215-i memlekettik, 108-i jekemenshik mektep. Biyl Túrksib aýdanyndaǵy «Qairat» yqshamaýdanyndaǵy №211 jańa memlekettik mektep oqýshylardy qabyldasa, qala boiynsha 3000 oryndyq 9 jekemenshik mektep te jumysyn bastaǵanyn aita ketýimiz kerek.

– Jańadan ashylǵan 1200 oryndy mektep zamanaýi qural-jabdyqtarmen jabdyqtalǵan. Himiia, biologiia, fizika pánderi boiynsha tórt kabinet, sonymen qatar alty informatika kabineti bar. Tehnologiiaǵa arnalǵan kabinetter de bar – qyzdar men uldar úshin bólek. Jeke mediateka, 280 oryndyq ashana, akt zalymen biriktirilgen sport zaly bar. Mektep bir aýysymda 1500 balaǵa bilim bere alady. Qazir bilim ordasyna 1500-den astam bala qabyldandy, al birinshi synypqa barǵan balany 285-ti quraidy, – dedi Almaty qalasy Bilim basqarmasynyń basshysy Lázzat Jylqybaeva.

Búginde qaladaǵy №48 mektep-litseii men №9 mektep-litseige japsarlana salynǵan qosymsha nysandardyń qurylysy aiaqtalyp, bilim alatyn oqýshylardyń sanyn 420 orynǵa arttyrýǵa múmkindik týǵanyn da aita ketýimiz kerek. Bilim basqarmasy jyl sońyna deiin №148 mektep-gimnaziianyń syiymdylyǵyn 300 orynǵa keńeitý josparlap otyr. Búginde Almaty qalasyndaǵy bilim berý uiymdarynda 301 myńnan astam oqýshy bilim alýda.


Biyl Almaty ákimi Erbolat Dosaevtyń tapsyrmasy boiynsha bastaýysh synyp 133 myńnan astam oqýshysy tegin ystyq tamaqpen qamtylady.

Al jergilikti biýdjetten qarjylandyrylatyn «Vseobých» qorynan oqý jylynyń basynda beriletin kómek kólemi bir balaǵa mektep formasy men keńse taýarlaryn alý úshin 43 myń teńgeni quraǵan. Bul qordan halyqtyń áleýmettik osal toptaryndaǵy 15 myńnan astam almatylyq mektep oqýshylary kómek aldy.

Sonymen qatar, jańa oqý jylynda ákimniń tapsyrmasymen Almatyda alǵash ret mektep jasyndaǵy balalardy turǵylyqty jerinen bilim oshaǵyna deiin tegin tasymaldaý isi jolǵa qoiyldy.

«Mektep avtobýsy» jobasy mektepten qashyqta turatyn kishi mektep oqýshylary men stýdentterge baǵyttalǵan. Avtobýstar 30 memlekettik mektepti qamtyp otyr.


Almaty qalasynyń avtoparki Bilim basqarmasymen birlesip 100 mektep avtobýsyn satyp alǵan. Sý jańa avtobýstar halyqaralyq qaýipsizdik standarttary men tehnikalyq talaptarǵa tolyqtai sáikes keledi. Qoǵamdyq kóliktiń apattyq shyǵý, qaýipsizdik beldikteri, múmkindigi shekteýli balalarǵa arnalǵan pandýs, órt qaýipsizdigi júiesi ornatylǵan.

Balalardy tasymaldaý ilespe pedagogtyń qatysýymen jáne balalardy tasymaldaýdyń ázirlengen erejelerine sáikes júzege asyrylady.
Almaty oqýshy Ásem Núsipova Arman Qyryqbaev Lázzat Jylqybaeva Álisher Ábdiqadyrov Mektep avtobýsy Vseobých Madina Sádýaqasova

Oqi otyryńyz