27 qazanda «Brakoner» jedel-profilaktikalyq is-sharasyn ótkizý barysynda Balqash aýdanynyń Quiǵan aýyly mańynda politseiler kórshi Jambyl oblysynyń 45 jastaǵy turǵynyn ustady. Er adam motorly qaiyqpen jáne tyiym salynǵan monojipti torlarmen balyq aýlady, – dep habarlaidy Dalanews.kz.
– Tintý kezinde quqyq buzýshydan 50 keliden astam kókserke, sondai-aq zańsyz aýlaý quraldary tabyldy. Kúdiktige qatysty balyq resýrstaryn zańsyz óndirý faktisi boiynsha sotqa deiingi tergeý bastaldy. Memleketke keltirilgen zalal 425 844 teńgeni quraidy, – dep atap ótti Balqash aýdandyq politsiiasynyń bastyǵy Aidar Ýmarov.
Tárkilengen balyq keiinnen satý jáne memleket paidasyna túsken qarajatty aýdarý úshin qabyldaý pýnktine ókizildi.
Esterińizge sala keteiik, 20 qazannan 19 qarashaǵa deiin oblys aýmaǵynda «Brakoner» jedel-profilaktikalyq is-shara ótkiziledi, onyń maqsaty tabiǵat qorǵaý zańnamasyn buzý jáne tabiǵatty zańsyz paidalaný, satyp alý, ótkizý oryndary, zańsyz óndirilgen obektiler men bioresýrstar ónimderin satý faktilerin anyqtaý bolyp tabylady.
