27 قازاندا «براكونەر» جەدەل-پروفيلاكتيكالىق ءىس-شاراسىن وتكىزۋ بارىسىندا بالقاش اۋدانىنىڭ قۇيعان اۋىلى ماڭىندا پوليسەيلەر كورشى جامبىل وبلىسىنىڭ 45 جاستاعى تۇرعىنىن ۇستادى. ەر ادام موتورلى قايىقپەن جانە تىيىم سالىنعان ءمونوجىپتى تورلارمەن بالىق اۋلادى، – دەپ حابارلايدى Dalanews.kz.
– ءتىنتۋ كەزىندە قۇقىق بۇزۋشىدان 50 كەلىدەن استام كوكسەركە، سونداي-اق زاڭسىز اۋلاۋ قۇرالدارى تابىلدى. كۇدىكتىگە قاتىستى بالىق رەسۋرستارىن زاڭسىز ءوندىرۋ فاكتىسى بويىنشا سوتقا دەيىنگى تەرگەۋ باستالدى. مەملەكەتكە كەلتىرىلگەن زالال 425 844 تەڭگەنى قۇرايدى، – دەپ اتاپ ءوتتى بالقاش اۋداندىق پوليسياسىنىڭ باستىعى ايدار ۋماروۆ.
تاركىلەنگەن بالىق كەيىننەن ساتۋ جانە مەملەكەت پايداسىنا تۇسكەن قاراجاتتى اۋدارۋ ءۇشىن قابىلداۋ پۋنكتىنە وكىزىلدى.
ەستەرىڭىزگە سالا كەتەيىك، 20 قازاننان 19 قاراشاعا دەيىن وبلىس اۋماعىندا «براكونەر» جەدەل-پروفيلاكتيكالىق ءىس-شارا وتكىزىلەدى، ونىڭ ماقساتى تابيعات قورعاۋ زاڭناماسىن بۇزۋ جانە تابيعاتتى زاڭسىز پايدالانۋ، ساتىپ الۋ، وتكىزۋ ورىندارى، زاڭسىز وندىرىلگەن وبەكتىلەر مەن بيورەسۋرستار ونىمدەرىن ساتۋ فاكتىلەرىن انىقتاۋ بولىپ تابىلادى.
