Sonyń biri Almaty oblystyq jastar saıasaty basqarmasynyń basshysy Eldar Saparov.
– Saılaýǵa qatysý tek aq jaǵalylarǵa ǵana tán nárse emes. Bul tutas ulttyń moınyna artylǵan jaýapkershilik. Bolashaq baǵytyńdy aıqyndaıtyn ýaqyt. Sondyqtan da, bul biz ben sizdiń azamattyq paryzymyz. El jastarynyń arasynda patrıottyq sezimdi nyǵaıtatyn birden-bir qural desek artyq aıtqandyq emes. Búgingi saılaýǵa QR azamaty retinde qatysyp otyrmyn. Meniń saılaý ýchaskesine kelip óz tańdaýymdy jasaýym, ortaq kemel keleshekke bastar joldyń biri bolaryna senimdimin, – deıdi Eldar Saparov.
Bul kúni, laıyqty kóshbasshyny anyqtaý úshin, daýys bergenderdiń biri, Beıbit Musaev. «Men qazaqpyn» mega jobasynyń jeńimpazy, dástúrli ánshi otan aldyndaǵy paryzymdy ótedim deıdi.
– Qaı partıaǵa daýys beretinimdi áldeqashan sheship qoıǵan edim. Qasıetti jerimiz ben onyń ıesi – eldiń bolashaǵy úshin tańdaý jasadym. Jerlesterimdi búgingi saılaýǵa qatysýǵa shaqyramyn. Óıtkeni, bizdiń balalarymyzdyń, jaqyndarymyzdyń jáne jalpy elimizdiń bolashaǵy sizderdiń daýystaryńyzǵa baılanysty. Enjarlyq tanytpaıyq, – dep óz oıyn bildirdi.
Aıta keteıik, eldiń erteńine tamshydaı bolsa úlesin qosý úshin jergilikti kásipker Eldos Baıalyshbaev, 2008 jylǵy olımpıada oıyndarynyń júldegeri, qazirgi oblystyq deneshynyqtyrý jáne sport basqarmasynyń basshysy Nurbaqyt Teńizbaev.
Sonymen qatar, aımaq basshysy Amandyq Batalovta óz tańdaýyn jasaǵanyn atap ótken jón.
Aıta keteıik, Almaty oblysynda 1053 saılaý ýchaskesi bar. Bıylǵy saılaýǵa 5 saıası partıadan, 312 kandıdat daýysqa túsýde.
