سونىڭ ءبىرى الماتى وبلىستىق جاستار ساياساتى باسقارماسىنىڭ باسشىسى ەلدار ساپاروۆ.
– سايلاۋعا قاتىسۋ تەك اق جاعالىلارعا عانا ءتان نارسە ەمەس. بۇل تۇتاس ۇلتتىڭ موينىنا ارتىلعان جاۋاپكەرشىلىك. بولاشاق باعىتىڭدى ايقىندايتىن ۋاقىت. سوندىقتان دا، بۇل ءبىز بەن ءسىزدىڭ ازاماتتىق پارىزىمىز. ەل جاستارىنىڭ اراسىندا پاتريوتتىق سەزىمدى نىعايتاتىن بىردەن-بىر قۇرال دەسەك ارتىق ايتقاندىق ەمەس. بۇگىنگى سايلاۋعا ق ر ازاماتى رەتىندە قاتىسىپ وتىرمىن. مەنىڭ سايلاۋ ۋچاسكەسىنە كەلىپ ءوز تاڭداۋىمدى جاساۋىم، ورتاق كەمەل كەلەشەككە باستار جولدىڭ ءبىرى بولارىنا سەنىمدىمىن، – دەيدى ەلدار ساپاروۆ.
بۇل كۇنى، لايىقتى كوشباسشىنى انىقتاۋ ءۇشىن، داۋىس بەرگەندەردىڭ ءبىرى، بەيبىت مۇسايەۆ. «مەن قازاقپىن» مەگا جوباسىنىڭ جەڭىمپازى، ءداستۇرلى ءانشى وتان الدىنداعى پارىزىمدى وتەدىم دەيدى.
– قاي پارتياعا داۋىس بەرەتىنىمدى الدەقاشان شەشىپ قويعان ەدىم. قاسيەتتى جەرىمىز بەن ونىڭ يەسى – ەلدىڭ بولاشاعى ءۇشىن تاڭداۋ جاسادىم. جەرلەستەرىمدى بۇگىنگى سايلاۋعا قاتىسۋعا شاقىرامىن. ويتكەنى، ءبىزدىڭ بالالارىمىزدىڭ، جاقىندارىمىزدىڭ جانە جالپى ەلىمىزدىڭ بولاشاعى سىزدەردىڭ داۋىستارىڭىزعا بايلانىستى. ەنجارلىق تانىتپايىق، – دەپ ءوز ويىن ءبىلدىردى.
ايتا كەتەيىك، ەلدىڭ ەرتەڭىنە تامشىداي بولسا ۇلەسىن قوسۋ ءۇشىن جەرگىلىكتى كاسىپكەر ەلدوس بايالىشبايەۆ، 2008 جىلعى وليمپيادا ويىندارىنىڭ جۇلدەگەرى، قازىرگى وبلىستىق دەنەشىنىقتىرۋ جانە سپورت باسقارماسىنىڭ باسشىسى نۇرباقىت تەڭىزبايەۆ.
سونىمەن قاتار، ايماق باسشىسى اماندىق باتالوۆتا ءوز تاڭداۋىن جاساعانىن اتاپ وتكەن ءجون.
ايتا كەتەيىك، الماتى وبلىسىندا 1053 سايلاۋ ۋچاسكەسى بار. بيىلعى سايلاۋعا 5 ساياسي پارتيادان، 312 كانديدات داۋىسقا تۇسۋدە.
