Almaty oblysynyń alaqandai aýylynda 120 tonna et óndirilgen
Arqarly aýyldyq okrýginiń jalpy jer kólemi – 63351 sharshy shaqyrymdy quraidy. Onyń ishindegi sýarmaly egistik – 389 gektar, shabyndyq jer úi-1370 gektar, jaiylymdyq 57801 gektar.
2020 jyldyń 1 qańtaryna okrýg boiynsha 1479 múiizdi iri qara maly, 7358 bas usaq mal, 520 bas jylqy tirkelgen.
2020 jyldyń 9 aiynyń qorytyndysy boiynsha 120 tonna et, 20 tonna jún, 6 500 000 litr sút óndirilgen. Aýylda 12 jeke sharýa qojalyǵy bar.
Okrýg boiynsha qysqa mal azyǵyn daiyndaý naýqanynda biylǵy jyly 40-qa jýyq aýyl sharýashylyǵy tehnikasy tartylyp 4800 tonna iri sabaqty shóp, 600 tonna jońyshqa daiyndalǵan.
Arqarly aýyldyq okrýgindegi aǵyn sý máselesi boiynsha búgingi kúnde Shilikti ózegine bas kanalǵa tazalaý jumystary jasalynýda.
Aýyl sharýashylyǵy maldary juqpaly aýyrýlarǵa qarsy profilaktikalyq ekpe jumystary josparǵa sáikes tolyq júrgizilgen.
– Memlekettik kórsetiletin qyzmetter boiynsha:«2020 jyldyń 9 aidyń qorytyndysy boiynsha ózine-ózi qyzmet kórsetý buryshy boiynsha E-GOV jelisi arqyly okrýg turǵyndaryna 200 astam anyqtama shyǵarylyp, memlekettik qyzmet kórsetilgen, – deidi Arqarly aýyldyq okrýginiń ákimi Erlan Tókenov.
Kommýnaldyq sala boiynsha aýyl turǵyndary taza sýmen tolyq qamtamasyz etilgen.
Aýyl kósheleriniń orta jóndeý qurylys jumystary boiynsha aýylǵa kire beris joldan bastap Sh.Ýálihanov kóshesine 1100 m jerge asfalt tóselip, halyq igiligine berilgen.
Abattandyrý jumystary boiynsha kóktemgi, kúzgi tazalyq ailyqtarynda 12 ret senbilik jumystary júrgizilgen.
2020 jyldyń 9 aiynyń qorytyndysy boiynsha Qoǵamdyq jumysqa 7 adam tartylǵan.
Aýyl turǵyndaryn áleýmettik qorǵaý qairymdylyq kómek kórsetý maqsatynda 1-qazan qarttar kúni men múmkindigi shekteýli azamattardyń merekesi kúnine orai ótkizilgen 10 kúndik aktsiiasy aiasynda aýyl ákimdiginiń uiymdastyrýymen jalǵyz basty analar men tyl eńbekkerlerine qaiyrymdylyq kómekter kórsetilgen.
