Almaty oblysynyń ákimi Marat Sultanǵaziev Almasbek Sadyrbaidyń ustalýyna bailanysty túsinik berip, atalǵan máseleniń Almaty oblysyna da qatysy bar ekenin rastady, dep habarlaidy Dalanews.kz.
“Men bul máseleni zerttedim. Sýbsidiia alýǵa ótinimder elektrondy formatta beriledi, sodan keiin olardyń talaptarǵa sai ekeni tekserilýi kerek. Monitoring jumystary barysynda asyl tuqymdy mal sharýashylyǵyndaǵy talaptardyń saqtalǵanyn tekserý biyldan bastap qana júzege asyryla bastaidy dep oilaimyn. Osyǵan bailanysty erejege ózgerister engizildi. Sýbsidiianyń negizgi maqsaty – jai maldy asyldandyrý. Biraq bul bir jyldyń ishinde oryndalatyn sharýa emes, kóp ýaqyt pen kúshti qajet etedi. Sonyń saldarynan osyndai jaǵdai týyndaǵan bolýy múmkin”, – dedi Sultanǵaziev.
Aita keteiik, 6 qarashada Sadyrbai ózi basqaratyn adamdar toby Balqash, Eńbekshiqazaq, Kegen, Raiymbek jáne Uiǵyr aýdandarynda jalǵan aýyl sharýashylyǵy kooperativterin qurdy degen kúdikke ilingen.
Negizgi maqsat - usaq maldyń analyq basyn uryqtandyrýǵa sýbsidiialardy zańsyz alý jáne jemshóp shyǵyndaryn óteý.
"Bul úshin zańnamaǵa qaishy aýylsharýashylyq jerleri joq sharýa qojalyqtary tartyldy. Budan ári jalǵan kadastrlyq nómirlerdi kórsete otyryp, dáieksiz málimetterdi qamtityn sýbsidiialar alýǵa ótinimder qashyqtan berildi. Bul rette aýyl sharýashylyǵy kooperativteri basshylaryn habardar etpei, olardyń ETsQ-sy paidalanyldy.
Osylaisha 1,2 mlrd teńgeden astam qarajat urlanǵan", - dep habarlady buǵan deiin QMA.
Keiin Almasbek Sadyrbaev ustaldy. Onyń sybailasy tergeý sotynyń sanktsiiasymen úi qamaqqa alyndy.
Al ustalǵanynan eki apta buryn Almasbek Sadyrbaev Arman Abdollaǵa suhbat bergen. Sadyrbaev óz suhbatynda eldegi nan baǵasynyń qymbat ekenin aityp, onyń shyn baǵasy 50 teńge bolýy keregin de aitty.
Sondai-aq, Qazaqstanda qashan asharshylyq bolatynyn da boljaǵan.
”Resei men Ýkraina arasyndaǵy soǵys aiaqtalǵan kezde Qazaqstanda asharshylyq bolady. Sebebi, Resei búkil álemdi azyqtandyrýshy el ǵoi. Ol Belarýspen birge bar qushaǵyn ashyp, saýdasyn dollarmen ótkizedi. Al biz sońǵy qalǵan fermerlerden de aiyrylyp jatyrmyz. Agroónim óndiretin mamandar joq bizde. Osy sebepten de Qazaqstan soǵystan keiin asharshylyqqa ushyraidy”,- dedi ol.
