الماتى وبلىسىنىڭ اكىمى مارات سۇلتانعازييەۆ الماسبەك سادىربايدىڭ ۇستالۋىنا بايلانىستى تۇسىنىك بەرىپ، اتالعان ماسەلەنىڭ الماتى وبلىسىنا دا قاتىسى بار ەكەنىن راستادى، دەپ حابارلايدى Dalanews.kz.

“مەن بۇل ماسەلەنى زەرتتەدىم. سۋبسيديا الۋعا وتىنىمدەر ەلەكتروندى فورماتتا بەرىلەدى، سودان كەيىن ولاردىڭ تالاپتارعا ساي ەكەنى تەكسەرىلۋى كەرەك. مونيتورينگ جۇمىستارى بارىسىندا اسىل تۇقىمدى مال شارۋاشىلىعىنداعى تالاپتاردىڭ ساقتالعانىن تەكسەرۋ بيىلدان باستاپ قانا جۇزەگە اسىرىلا باستايدى دەپ ويلايمىن. وسىعان بايلانىستى ەرەجەگە وزگەرىستەر ەنگىزىلدى. سۋبسيديانىڭ نەگىزگى ماقساتى – جاي مالدى اسىلداندىرۋ. ءبىراق بۇل ءبىر جىلدىڭ ىشىندە ورىندالاتىن شارۋا ەمەس، كوپ ۋاقىت پەن كۇشتى قاجەت ەتەدى. سونىڭ سالدارىنان وسىنداي جاعداي تۋىنداعان بولۋى مۇمكىن”، – دەدى سۇلتانعازييەۆ.

ايتا كەتەيىك، 6 قاراشادا سادىرباي ءوزى باسقاراتىن ادامدار توبى بالقاش، ەڭبەكشىقازاق، كەگەن، رايىمبەك جانە ۇيعىر اۋداندارىندا جالعان اۋىل شارۋاشىلىعى كووپەراتيۆتەرىن قۇردى دەگەن كۇدىككە ىلىنگەن.

نەگىزگى ماقسات - ۇساق مالدىڭ انالىق باسىن ۇرىقتاندىرۋعا سۋبسيديالاردى زاڭسىز الۋ جانە جەمشوپ شىعىندارىن وتەۋ.

"بۇل ءۇشىن زاڭناماعا قايشى اۋىلشارۋاشىلىق جەرلەرى جوق شارۋا قوجالىقتارى تارتىلدى. بۇدان ءارى جالعان كاداسترلىق نومىرلەردى كورسەتە وتىرىپ، دايەكسىز مالىمەتتەردى قامتيتىن سۋبسيديالار الۋعا وتىنىمدەر قاشىقتان بەرىلدى. بۇل رەتتە اۋىل شارۋاشىلىعى كووپەراتيۆتەرى باسشىلارىن حاباردار ەتپەي، ولاردىڭ ەسق-سى پايدالانىلدى.

وسىلايشا 1،2 ملرد تەڭگەدەن استام قاراجات ۇرلانعان"، - دەپ حابارلادى بۇعان دەيىن قما.

كەيىن الماسبەك سادىربايەۆ ۇستالدى. ونىڭ سىبايلاسى تەرگەۋ سوتىنىڭ سانكسياسىمەن ءۇي قاماققا الىندى.

ال ۇستالعانىنان ەكى اپتا بۇرىن الماسبەك سادىربايەۆ ارمان ابدوللاعا سۇحبات بەرگەن. سادىربايەۆ ءوز سۇحباتىندا ەلدەگى نان باعاسىنىڭ قىمبات ەكەنىن ايتىپ، ونىڭ شىن باعاسى 50 تەڭگە بولۋى كەرەگىن دە ايتتى. 

سونداي-اق، قازاقستاندا قاشان اشارشىلىق بولاتىنىن دا بولجاعان.

”رەسەي مەن ۋكراينا اراسىنداعى سوعىس اياقتالعان كەزدە قازاقستاندا اشارشىلىق بولادى. سەبەبى، رەسەي بۇكىل الەمدى ازىقتاندىرۋشى ەل عوي. ول بەلارۋسپەن بىرگە بار قۇشاعىن اشىپ، ساۋداسىن دوللارمەن وتكىزەدى. ال ءبىز سوڭعى قالعان فەرمەرلەردەن دە ايىرىلىپ جاتىرمىز. اگروونىم وندىرەتىن ماماندار جوق بىزدە. وسى سەبەپتەن دە قازاقستان سوعىستان كەيىن اشارشىلىققا ۇشىرايدى”،- دەدى ول.