Almaty oblysyndaǵy trassada birden 18 kólik jantúrshigerlik jol apatyna tústi, dep habarlaidy Dalanews.kz.
Bul týraly "QazAvtoJol" habarlady. 5 qańtar kúni saǵat 07:30 shamasynda «Almaty – Óskemen» avtojolynyń 28-shaqyrymynda («Almaty – Qonaev» baǵyty) 18 kólik jol apatyna túsken. Apat qalyń tuman kezinde bolǵan.
Aldyn ala málimetterge sáikes, apatqa júrgizýshilerdiń shekteýli kóriný jaǵdaiynda jyldamdyq rejimi men qaýipsiz qashyqtyqty saqtamaýy sebep bolǵan.
“QazAvtoJoldyń” málimetinshe, oqiǵa bolǵan jol ýchaskesi IA tehnikalyq sanatyna jatady, alty qozǵalys jolaǵy bar. Jol beti qurǵaq, aqaýlar men bógde zattar bolmaǵan.
Apat saldarynan zardap shekkender men qurbandar joq. Oqiǵanyń mán-jaiy anyqtalyp jatyr.
Eske salaiyq, 3 qańtarda Astana mańyndaǵy tasjolda osyǵan uqsas jol apaty bolǵan edi: trassada 95 avtokólik soqtyǵysty.
3 qańtarda saǵat 07:20-da aýa raiynyń nasharlaýyna bailanysty respýblikalyq mańyzy bar "Astana-Petropavl" avtojolynyń (18-232 shaqyrym) ýchaskesinde barlyq avtokólik túrleriniń qozǵalysyna shekteý engizildi. Aýa raiy jaqsarǵannan keiin jáne jol tazartylǵan soń, saǵat 12:30-da Shýchinsk qalasy baǵytyna qozǵalys politsiia departamenti qyzmetkerleri men "QazAvtoJol" arnaiy tehnikamen uiymdastyryldy.
Alaida, aldyn ala málimetter boiynsha, júrgizýshilerdiń jyldamdyq rejimi men qaýipsiz qashyqtyqty saqtamaýynan saǵat 13:28-de joldyń 153-shaqyrymynda, Janatalap aýyly mańynda shamamen 95 kólik jappai jol apatyna túsken.
