Almaty oblysyndaǵy qundy jerler memleket menshigine qaitaryldy
Ile Almatydai megapolispen irgeles jatqan aýdan. 26 iri jáne orta kásiporyny 428, 0 mlrd. teńgege ónim óndiredi. Oblys boiynsha aýdan ónerkásibiniń úlesi 36,6% jetti.
«Byltyrǵy jyly 720 jańa jumys oryndary qurylyp, 20 ónerkásip nysany qoldanysqa berildi, 14 kásiporyn óz óndiristerin keńeitti. Josparlanǵan 15 ónerkásip nysandarynyń iske qosylýy (jylyna 42,0 mln. inkýbatsiialyq jumyrtqa óndiretin «Naýryz Agro» JShS qus fabrikasynyń 1-kezeńi, «Muqaǵali 50 Vt» kún elektrstantsiiasy, «Nila fýd» konditerlik tsehy, «Nikem» plastikalyq zattar shyǵaratyn tsehy, «Baza briýeri» alkogoldik zattar shyǵaratyn kásiporyn), 12 jumys istep turǵan kásiporyndardyń óndiristeriniń keńeitilýi jáne indýstriialandyrý kartasy aiasynda iske qosylǵan kásiporyndardyń tolyq jobalyq qýattylyǵyna shyǵýy arqyly 2021 jyly ónerkásip óniminiń kólemin 430,0 mlrd. teńgege deiin jetkizip, 730 jańa jumys ornyn ashý josparlanyp otyr», - dedi halyqqa esep berý jiynynda aýdan basshysy Baǵdat QARASAEV.
Aýdanda ónerkásip óndirisiniń 42,5%, iaǵni 182,1 mlrd.teńge kishi jáne orta biznes kásiporyndarynan túsedi eken. Aýyl sharýashylyǵy jalpy óniminiń kólemi 86,1 mlrd. teńgege jetip, naqty indeks kólemi 102,1% qurady, al 2021 jyly 93,5 mlrd.teńgege jetkizý josparlanýda. Jalpy aýyl sharýashylyǵy salasyn qoldaýǵa 3,5 mlrd.teńge sýbsidiia bólinipti.
Ile aýdany byltyrǵy jyly áleýmettik jáne ekonomikalyq kórsetkishterde aldyǵa qoiylǵan mejelerdi oryndap, kóptegen salada artyq kórsetkishterge qol jetkizdi.
«Mal sharýashylyǵynda 88,5 myń tonna et óndirildi, 2021 jyly 96,0 myń tonnaǵa jetkizý josparlanýda. 56,9 myń tonna sút saýyldy, 2021 jyly bul kórsetkishti 57,5 myń tonnaǵa jetkizý kózdelýde. Sonymen qatar 126,5 mln. dana jumyrtqa óndirilip, 2021 jyly 102,5 mln. danaǵa jetkizý josparlanýda. Josparlanǵan jalpy aýyl sharýashylyǵy daqyldarynyń kórsetkishteri oryndaldy.87,5 myń. tonna dándi daqyldar (100,8%), onyń ishinde dándi júgeri – 70,9 myń.tonna (100,6%), maily daqyldar – 16,6 myń.tonna (95,1%), sonymen qatar, kartop – 39,2 myń.tonna (103,5%), kókónister – 136,3 myń.tonna (103,7%), baqsha daqyldary – 27,0 myń.tonna (102,2%) óndirildi»,- dedi ákim óz sózinde.
Sondai-aq, jergilikti ákimdik 2018-2020 jyldar aralyǵynda 50 228 myń igerilmegen jerdi anyqtaǵan. Onyń 10 340 gektary egistikke arnalsa, 39 888 gektary jaiylymǵa arnalǵan eken. Jalpy bos jatqan jerdiń 20 503 gektary memleket menshigine qaitarylyp, 23041, 4 gektar qaita paidalanýǵa berilgen.
