ىلە الماتىداي مەگاپوليسپەن ىرگەلەس جاتقان اۋدان. 26 ءىرى جانە ورتا كاسىپورىنى 428، 0 ملرد. تەڭگەگە ءونىم وندىرەدى. وبلىس بويىنشا اۋدان ونەركاسىبىنىڭ ۇلەسى 36،6% جەتتى.
«بىلتىرعى جىلى 720 جاڭا جۇمىس ورىندارى قۇرىلىپ، 20 ونەركاسىپ نىسانى قولدانىسقا بەرىلدى، 14 كاسىپورىن ءوز وندىرىستەرىن كەڭەيتتى. جوسپارلانعان 15 ونەركاسىپ نىساندارىنىڭ ىسكە قوسىلۋى (جىلىنا 42،0 ملن. ينكۋباسيالىق جۇمىرتقا وندىرەتىن «ناۋرىز اگرو» ج ش س قۇس فابريكاسىنىڭ 1-كەزەڭى، «مۇقاعالي 50 ۆت» كۇن ەلەكترستانسياسى، «نيلا فۋد» كونديتەرلىك سەحى، «نيكەم» پلاستيكالىق زاتتار شىعاراتىن سەحى، «بازا بريۋەري» الكوگولدىك زاتتار شىعاراتىن كاسىپورىن)، 12 جۇمىس ىستەپ تۇرعان كاسىپورىنداردىڭ وندىرىستەرىنىڭ كەڭەيتىلۋى جانە يندۋستريالاندىرۋ كارتاسى اياسىندا ىسكە قوسىلعان كاسىپورىنداردىڭ تولىق جوبالىق قۋاتتىلىعىنا شىعۋى ارقىلى 2021 جىلى ونەركاسىپ ءونىمىنىڭ كولەمىن 430،0 ملرد. تەڭگەگە دەيىن جەتكىزىپ، 730 جاڭا جۇمىس ورنىن اشۋ جوسپارلانىپ وتىر»، - دەدى حالىققا ەسەپ بەرۋ جيىنىندا اۋدان باسشىسى باعدات قاراسايەۆ.
اۋداندا ونەركاسىپ ءوندىرىسىنىڭ 42،5%، ياعني 182،1 ملرد.تەڭگە كىشى جانە ورتا بيزنەس كاسىپورىندارىنان تۇسەدى ەكەن. اۋىل شارۋاشىلىعى جالپى ءونىمىنىڭ كولەمى 86،1 ملرد. تەڭگەگە جەتىپ، ناقتى يندەكس كولەمى 102،1% قۇرادى، ال 2021 جىلى 93،5 ملرد.تەڭگەگە جەتكىزۋ جوسپارلانۋدا. جالپى اۋىل شارۋاشىلىعى سالاسىن قولداۋعا 3،5 ملرد.تەڭگە سۋبسيديا ءبولىنىپتى.
ىلە اۋدانى بىلتىرعى جىلى الەۋمەتتىك جانە ەكونوميكالىق كورسەتكىشتەردە الدىعا قويىلعان مەجەلەردى ورىنداپ، كوپتەگەن سالادا ارتىق كورسەتكىشتەرگە قول جەتكىزدى.
«مال شارۋاشىلىعىندا 88،5 مىڭ توننا ەت ءوندىرىلدى، 2021 جىلى 96،0 مىڭ تونناعا جەتكىزۋ جوسپارلانۋدا. 56،9 مىڭ توننا ءسۇت ساۋىلدى، 2021 جىلى بۇل كورسەتكىشتى 57،5 مىڭ تونناعا جەتكىزۋ كوزدەلۋدە. سونىمەن قاتار 126،5 ملن. دانا جۇمىرتقا ءوندىرىلىپ، 2021 جىلى 102،5 ملن. داناعا جەتكىزۋ جوسپارلانۋدا. جوسپارلانعان جالپى اۋىل شارۋاشىلىعى داقىلدارىنىڭ كورسەتكىشتەرى ورىندالدى.87،5 مىڭ. توننا ءداندى داقىلدار (100،8%)، ونىڭ ىشىندە ءداندى جۇگەرى – 70،9 مىڭ.توننا (100،6%)، مايلى داقىلدار – 16،6 مىڭ.توننا (95،1%)، سونىمەن قاتار، كارتوپ – 39،2 مىڭ.توننا (103،5%)، كوكونىستەر – 136،3 مىڭ.توننا (103،7%)، باقشا داقىلدارى – 27،0 مىڭ.توننا (102،2%) ءوندىرىلدى»،- دەدى اكىم ءوز سوزىندە.
سونداي-اق، جەرگىلىكتى اكىمدىك 2018-2020 جىلدار ارالىعىندا 50 228 مىڭ يگەرىلمەگەن جەردى انىقتاعان. ونىڭ 10 340 گەكتارى ەگىستىككە ارنالسا، 39 888 گەكتارى جايىلىمعا ارنالعان ەكەن. جالپى بوس جاتقان جەردىڭ 20 503 گەكتارى مەملەكەت مەنشىگىنە قايتارىلىپ، 23041، 4 گەكتار قايتا پايدالانۋعا بەرىلگەن.
