«Taza Qazaqstan» respýblıkalyq aksıasy aıasynda Almaty oblysynyń turǵyndary týǵan ólkeni abattandyrýǵa belsendi qatysýda, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.
Búgingi ekologıalyq is-sharalarǵa Almaty oblysyń júzdegen turǵyndary jınaldy, olardyń arasynda jergilikti atqarýshy organdardyń ókilderi, qoǵamdyq uıymdar, belsendiler jáne volonterler bar.
Aksıanyń basty maqsaty - ortaq úıimizdi taza jáne kórikti meken etý, ekologıalyq máselelerdi basty nazarǵa alyp, qorshaǵan ortany qorǵaý bolyp tabylady.
Jambyl aýdanynda «Taza Qazaqstan» respýblıkalyq aksıasy aıasynda jastar, kásiporyn qyzmetkerleri men aýdan turǵyndarynyń qatysýymen Qarǵaly ózeniniń jaǵalaýynda tazalyq jumystary júrgizilip, aınalasy qoqystan tazartyldy. Atalǵan is-sharaǵa júzdegen turǵyndar qatysyp, ózen jaǵalaýynyń tazarýyna óz úlesterin qosty.
2024 jyl basynan beri «Taza Qazaqstan» aksıasy aıasynda 7 myńnan astam adamnyń, 369 kásiporyndar, uıymdar men mekemelerdiń qatysýymen 100 aýla, 65 kóp qabatty turǵyn úıler, 44 jeke turǵyn úı, 14 saıabaq pen alań, 7 tarıhı mádenı eskertkishter, 211 áleýmettik nysandar, 8 ónerkásip jáne bıznes obektilerleri, 155 sharshy metr ózen jaǵalaýy jáne 121 metr aryq boıy tazalanyp, 9 júk kóliginiń tasymaldaýymen 15 tonna qatty turmystyq qaldyqtar shyǵaryldy.
Joǵaryda atalǵan aýdanda 29 maýsym kúni 1569 adamnyń, 64 kásiporyndar, uıymdar men mekemelerdiń qatysýymen 11 aýla, 9 kóp qabatty turǵyn úıler, 3 saıabaq pen alań, 4 tarıhı mádenı eskertkishter, 65 áleýmettik nysandar, 5 ónerkásip jáne bıznes obektilerleri, 35 sharshy metr ózen jaǵalaýy jáne 27 metr aryq boıy tazalanyp, 9 júk kóliginiń tasymaldaýymen 3 tonna qatty turmystyq qaldyqtar shyǵaryldy.
Raıymbek aýdany Narynqol aýyldyq okrýginiń turǵyndary Baıynqol ózeniniń arnasyn tazartý boıynsha senbilikke shyqty. Ekologıalyq is-sharaǵa 50-den astam adam qatysty, tazartý jumystaryna 1 samosval, 1 traktor jumyldyryldy. Ózen arnasyn tazartý sý resýrstary ýchaskesine kútim jasaý jáne oǵan uqypty qaraý boıynsha mańyzdy is-shara bolyp tabylady.
Raıymbek aýdanynda jyl basynan beri «Taza Qazaqstan» aksıasy aıasynda 24000 adam, kásiporyndar, uıymdar men mekemelerdiń qatysýymen 467 aýla, 1000 jeke turǵyn úı, 11 saıabaq pen alań, 42 tarıhı mádenıet eskertkishi, bıznes nysandary, ózen jaǵalaýy men aryqtyń 28700 sharshy metri tazalanyp, 185 júk kóliginiń tasymaldaýymen 310 tonna qatty turmystyq qaldyqtar shyǵaryldy.
Aksıa sońynda qatysýshylarǵa ashyq aýada fleshmob uıymdastyryldy, oǵan ár túrli taqyryptaǵy úsh komandanyń jarystary kirdi. Bul is-sharalarǵa 150-den astam adam qatysty. Qorytyndysy boıynsha qatysýshylarǵa syılyqtar tabystaldy. Sondaı-aq, bul óńirlerde ekologıalyq saýatty arttyrý jáne qoǵamdyq oryndarda tazalyqty saqtaý maqsatynda "Tazalyq saqtaıyq" atty chellendj uıymdastyryldy.
Aıta ketetin bolsaq, «Taza Qazaqstan» respýblıkalyq aksıasyna qazirgi tańda memlekettik mekemeler men jeke uıymdar, sharýa qojalyqtary, jastar, volonterlik jáne úkimettik emes uıymdar, máslıhat depýtattary tartyldy. Oblys boıynsha barlyǵy 450 myń adam qatysty, 850-den astam eskertkishter men murajaılar tazartyldy, 19 506 tonna qoqys shyǵaryldy, 45 myńnan astam aǵashtar men butalar otyrǵyzyldy, 2304 birlik mamandandyrylǵan tehnıka tartyldy. Oblystyń 340 myń oqýshysynyń qatysýymen «Óz aǵashyńdy otyrǵyz» aksıasy uıymdastyryldy.
