«تازا قازاقستان» رەسپۋبليكالىق اكسياسى اياسىندا الماتى وبلىسىنىڭ تۇرعىندارى تۋعان ولكەنى اباتتاندىرۋعا بەلسەندى قاتىسۋدا، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇگىنگى ەكولوگيالىق ءىس-شارالارعا الماتى وبلىسىڭ جۇزدەگەن تۇرعىندارى جينالدى، ولاردىڭ اراسىندا جەرگىلىكتى اتقارۋشى ورگانداردىڭ وكىلدەرى، قوعامدىق ۇيىمدار، بەلسەندىلەر جانە ۆولونتەرلەر بار.
اكسيانىڭ باستى ماقساتى - ورتاق ءۇيىمىزدى تازا جانە كورىكتى مەكەن ەتۋ، ەكولوگيالىق ماسەلەلەردى باستى نازارعا الىپ، قورشاعان ورتانى قورعاۋ بولىپ تابىلادى.
جامبىل اۋدانىندا «تازا قازاقستان» رەسپۋبليكالىق اكسياسى اياسىندا جاستار، كاسىپورىن قىزمەتكەرلەرى مەن اۋدان تۇرعىندارىنىڭ قاتىسۋىمەن قارعالى وزەنىنىڭ جاعالاۋىندا تازالىق جۇمىستارى جۇرگىزىلىپ، اينالاسى قوقىستان تازارتىلدى. اتالعان ءىس-شاراعا جۇزدەگەن تۇرعىندار قاتىسىپ، وزەن جاعالاۋىنىڭ تازارۋىنا ءوز ۇلەستەرىن قوستى.
2024 جىل باسىنان بەرى «تازا قازاقستان» اكسياسى اياسىندا 7 مىڭنان استام ادامنىڭ، 369 كاسىپورىندار، ۇيىمدار مەن مەكەمەلەردىڭ قاتىسۋىمەن 100 اۋلا، 65 كوپ قاباتتى تۇرعىن ۇيلەر، 44 جەكە تۇرعىن ءۇي، 14 ساياباق پەن الاڭ، 7 تاريحي مادەني ەسكەرتكىشتەر، 211 الەۋمەتتىك نىساندار، 8 ونەركاسىپ جانە بيزنەس وبەكتىلەرلەرى، 155 شارشى مەتر وزەن جاعالاۋى جانە 121 مەتر ارىق بويى تازالانىپ، 9 جۇك كولىگىنىڭ تاسىمالداۋىمەن 15 توننا قاتتى تۇرمىستىق قالدىقتار شىعارىلدى.
جوعارىدا اتالعان اۋداندا 29 ماۋسىم كۇنى 1569 ادامنىڭ، 64 كاسىپورىندار، ۇيىمدار مەن مەكەمەلەردىڭ قاتىسۋىمەن 11 اۋلا، 9 كوپ قاباتتى تۇرعىن ۇيلەر، 3 ساياباق پەن الاڭ، 4 تاريحي مادەني ەسكەرتكىشتەر، 65 الەۋمەتتىك نىساندار، 5 ونەركاسىپ جانە بيزنەس وبەكتىلەرلەرى، 35 شارشى مەتر وزەن جاعالاۋى جانە 27 مەتر ارىق بويى تازالانىپ، 9 جۇك كولىگىنىڭ تاسىمالداۋىمەن 3 توننا قاتتى تۇرمىستىق قالدىقتار شىعارىلدى.
رايىمبەك اۋدانى نارىنقول اۋىلدىق وكرۋگىنىڭ تۇرعىندارى بايىنقول وزەنىنىڭ ارناسىن تازارتۋ بويىنشا سەنبىلىككە شىقتى. ەكولوگيالىق ءىس-شاراعا 50-دەن استام ادام قاتىستى، تازارتۋ جۇمىستارىنا 1 ساموسۆال، 1 تراكتور جۇمىلدىرىلدى. وزەن ارناسىن تازارتۋ سۋ رەسۋرستارى ۋچاسكەسىنە كۇتىم جاساۋ جانە وعان ۇقىپتى قاراۋ بويىنشا ماڭىزدى ءىس-شارا بولىپ تابىلادى.
رايىمبەك اۋدانىندا جىل باسىنان بەرى «تازا قازاقستان» اكسياسى اياسىندا 24000 ادام، كاسىپورىندار، ۇيىمدار مەن مەكەمەلەردىڭ قاتىسۋىمەن 467 اۋلا، 1000 جەكە تۇرعىن ءۇي، 11 ساياباق پەن الاڭ، 42 تاريحي مادەنيەت ەسكەرتكىشى، بيزنەس نىساندارى، وزەن جاعالاۋى مەن ارىقتىڭ 28700 شارشى مەترى تازالانىپ، 185 جۇك كولىگىنىڭ تاسىمالداۋىمەن 310 توننا قاتتى تۇرمىستىق قالدىقتار شىعارىلدى.
اكسيا سوڭىندا قاتىسۋشىلارعا اشىق اۋادا فلەشموب ۇيىمداستىرىلدى، وعان ءار ءتۇرلى تاقىرىپتاعى ءۇش كوماندانىڭ جارىستارى كىردى. بۇل ءىس-شارالارعا 150-دەن استام ادام قاتىستى. قورىتىندىسى بويىنشا قاتىسۋشىلارعا سىيلىقتار تابىستالدى. سونداي-اق، بۇل وڭىرلەردە ەكولوگيالىق ساۋاتتى ارتتىرۋ جانە قوعامدىق ورىنداردا تازالىقتى ساقتاۋ ماقساتىندا "تازالىق ساقتايىق" اتتى چەللەندج ۇيىمداستىرىلدى.
ايتا كەتەتىن بولساق، «تازا قازاقستان» رەسپۋبليكالىق اكسياسىنا قازىرگى تاڭدا مەملەكەتتىك مەكەمەلەر مەن جەكە ۇيىمدار، شارۋا قوجالىقتارى، جاستار، ۆولونتەرلىك جانە ۇكىمەتتىك ەمەس ۇيىمدار، ءماسليحات دەپۋتاتتارى تارتىلدى. وبلىس بويىنشا بارلىعى 450 مىڭ ادام قاتىستى، 850-دەن استام ەسكەرتكىشتەر مەن مۇراجايلار تازارتىلدى، 19 506 توننا قوقىس شىعارىلدى، 45 مىڭنان استام اعاشتار مەن بۇتالار وتىرعىزىلدى، 2304 بىرلىك مامانداندىرىلعان تەحنيكا تارتىلدى. وبلىستىڭ 340 مىڭ وقۋشىسىنىڭ قاتىسۋىمەن «ءوز اعاشىڭدى وتىرعىز» اكسياسى ۇيىمداستىرىلدى.
