Elimizdiń birqatar aımaqtary sekildi Almaty oblysynda da jazdyń aptap ystyǵy sýmen qamtý máselesin qıyndatyp otyr. Halyq sanynyń artýy, eskirgen jeliler jáne utymsyz tutyný qundy resýrs tapshylyǵyn týdyratyn faktorlar óńirde kezdesedi. Desek te, oblys basshylyǵy turǵyndardy tirshilik nárimen qamtamasyz etý maqsatynda keshendi sharalardy júzege asyrýda, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.
Búginde óńirdegi eldi mekenderdi 100 paıyz ortalyqtandyrylǵan sýmen qamtamasyz etý basty mindetterdiń biri bolyp tabylady. Aǵymdaǵy jyly sýmen jabdyqtaý júıelerin qaıta jańǵyrtý jáne salý boıynsha 48 jobany jáne káriz jelisi boıynsha 18 jobany júzege asyrýǵa búdjetten 27,9 mlrd teńge bólingen.
Aýqymdy jumystar jańa aýmaqtardy ortalyqtandyrylǵan sýmen jabdyqtaýǵa jáne qoldanystaǵy abonentterge qyzmet kórsetý sapasyn arttyrýǵa múmkindik beredi.
Aǵymdaǵy jobalarmen qatar, uzaq merzimdi josparlar ázirlenýde. Qazirdiń ózinde sýmen jabdyqtaý jáne sý burý júıelerin salý jáne qaıta jańartý boıynsha 72 jobalyq-smetalyq qujattama ázirlenýde, «Ár eldi mekende taza aýyz sý» ulttyq jobasyna erekshe kóńil bólinip otyr. Onyń aıasynda 2024-2025 jyldary oblystaǵy 81 eldi mekende jelilerdi qaıta jańǵyrtý, sondaı-aq 6 aýylda jańa qurylys júrgizý josparlanýda.
Sý resýrstaryn basqarýdy ońtaılandyrý úshin biryńǵaı operator – «Alataý Pablık Ýtılıtes» komýnaldyq sharýashylyq JSHS quryldy. Bul bizge aktıvterdi shoǵyrlandyrýǵa, qarjylandyrýdy ortalyqtandyrýǵa, tarıfterdi tómendetýge jáne kórsetiletin qyzmetterdiń sapasyn arttyrýǵa múmkindik beredi.
Komýnaldyq sharýashylyq mekemesi sý ysyrabymen boldyrmaýmen kúresedi. Bul úshin jeke jelilerdi sanıtarlyq normalarǵa sáıkestendirý, sondaı-aq olardyń ıeleriniń jaýapkershiligin arttyrý josparlanýda. Halyq arasynda sýdy utymdy tutyný mádenıetin qalyptastyrýǵa baǵyttalǵan aqparattyq naýqan júrgizilýde.
