Almaty qalasy mańyndaǵy Besaǵash aýyldyq okrýginde tehnikalyq qyzmet kórsetý stantsiiasy, avtokólik jýý oryny, janarmai quiý stantsiiasy jáne qonaq úi salynady dep alynǵan jer telimi teksere kelgende qaraýsyz bos jatqany anyqtaldy, dep habarlaidy Dalanews.kz.
"QR AShM Jer resýrstaryn basqarý komitetiniń Almaty qalasynyń Jer resýrstaryn basqarý departamenti Medeý aýdanynyń Besaǵash aýyldyq okrýginde ornalasqan aýdany 0,5600 gektar jer ýchaskesine tekserý júrgizdi. Jer ýchaskesi tehnikalyq qyzmet kórsetý stantsiiasyn, avtokólik jýýdy, janarmai quiý stantsiiasyn jáne qonaq úidi salýǵa arnalǵan. Tekserý barysynda bul atalǵan jer nysanaly maqsaty boiynsha paidalanylmaǵany jáne qaraýsyz qalǵany anyqtaldy", delingen 3 qazanda QR AShM baspasóz qyzmeti taratqan habarlamada.
Jer resýrstaryn basqarý departamenti ony alyp qoiý týraly sotqa talap qoiýǵa bastamashy boldy.
"Almaty qalasy sotynyń sheshimimen atalǵan talap tolyq kólemde qanaǵattandyryldy", delingen habarlamada.
