Qarabalinder áýletiniń týysy Farizat Kenjeǵalieva qaiǵyly oqiǵadan keiin balalardyń taǵdyryna qatysty pikir bildirdi, dep habarlaidy dalanews.kz.
Onyń aitýynsha, qazirgi jaǵdaida balalardy ózge týystardyń qaraýyna alý ońai másele emes. Sebebi ár otbasynyń óz tirshiligi, óz jaýapkershiligi bar. Bul týraly ol Kursiv Media tilshisine bergen suqbatynda aitty.
"Qazir bireýdiń balasyn bireý baqpaidy. Óz balalaryń óz úiińe syimaidy. Bárinde bala bar. Óz oiym – eger Aqbaian saý bolsa, kómekteser edik. Endi bir otbasyny qyryp salyp... Aqbaian anandai bop jatqan jerde... Men ózim onyń balasyn baǵamyn dep aita almaimyn. Kim bolsa da, sóitedi... Balalardyń kinási joq... Ol osyndai áreketke barardyń aldynda oilanýy kerek edi. Aqylmen sheshý kerek, al ol ashýmen sheshti", – dedi Farizat Kenjeǵalieva
