Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» baǵdarlamasynyń merzimi aiaqtalǵanymen Ulttyq joba arqyly sol baǵyttaǵy jumystar jalǵasyn tabýda.
Igilikti jobanyń jurtqa bereri mol. Talaidy taýqymetten aryltyp, kópshilikke kóldei násip tabýyna yqpal etken bastama Almaty oblysynda qarqyndy túrde júzege asýda.
Ulttyq jobanyń ulttyq paidasyn oblys turǵyndaryna kórsetý úshin 6,5 mlrd teńge bólý kózdelgen edi. Onyń 1409,3 mln teńgesi respýblikalyq biýdjetten bolsa, qalǵan 4199,0 mln teńgesi Ulttyq qordyń esebinen berilse, 886,4 mln teńge jergilikti biýdjet qarajaty esebinen qarastyrylyp otyr.
Násipti aiyrýdyń ońtaily joly – kásip. Ulttyq jobada dál osy qysqa merzimdi kásiptik oqytýǵa airyqsha kóńil bólinýde. Almaty oblysynda orta jastaǵy 1280 adam 1 aidan 6 aiǵa deiingi merzimde kásiptik oqý oqidy dep josparlanǵan. Bul úshin qazynadan 331,2 mln teńge qarastyrylyp otyr.
Sonymen qatar, otaýyn óz aldyna quryp, jeke kásipke túbegeili bet burýǵa niettengen azamattarǵa 1031 grant bólý kózdelgen. Grant úshin belgilengen aqshanyń jalpy somasy 1036,9 mln teńgeni quraidy.
Jumyssyzdyq beleń alǵan zamanda memleket halyqty turaqty jáne ýaqytsha jumyspen qamtýdy jolǵa qoiǵany barshaǵa aian. Osy rette aita keteiik, biylǵy jyly Almaty oblysynda 6986 adamdy ýaqytsha jumyspen qamtý josparlanǵan.
Onyń ishinde, 556-y áleýmettik jumys oryndaryna tartylatyn bolsa, 7 adam múgedekterdi jumysqa ornalastyrý úshin arnaýly áleýmettik jumys oryndaryna jóneltilmek. Sondai-aq, jastar tájiribesine – 765 túlek, qoǵamdyq jumystarǵa – 5170, alǵashqy jumys ornyna – 127, urpaqtar kelisimshartyna – 36, «Kúmis jas» jobasyna – 325 turǵyn jiberiledi dep kútilýde.
Esterińizge salamyz, aǵymdaǵy jyldyń 1 shildesine jumyspen qamtýǵa járdemdesýdiń belsendi sharalarymen 14 925 adam qamtyldy, 12 572 adam jumysqa ornalastyryldy, onyń ishinde 5246 adam turaqty jumysqa turdy.
Qysqa merzimdi kásiptik oqytýǵa – 559 adam, Jastar praktikasyna – 366, áleýmettik jumys oryndaryna – 578, qoǵamdyq jumystarǵa – 4448, alǵashqy jumys ornyna – 107, urpaqtar kelisimshartyna – 16, «Kúmis jasqa» – 117 adam, 100 adamǵa grant berilip, múgedekterdi jumysqa ornalastyrý úshin arnaýly áleýmettik jumys oryndary 7 adam joldandy.
Osylaisha, óńirdegi eńbekke qabiletti halyqtyń kópshiligi jumyspen qamtýdyń sharapatyn kórgen jaiy bar. Aldaǵy tańda kózdelgen mejeler tolyqtai oryndalary haq.
