Al, Jetisý óńiri atalǵan olqylyqtyń ornyn toltyrdy. Ol jylsaıyn ótetin Almaty oblysy ákiminiń júldesi úshin jýrnalıster arasyndaǵy «Samǵaý» baıqaýy.
Tilshiler dodasy Elbasy Nursultan Nazarbaevtyń ıdeıalary men bastamalaryn Qazaqstan memlekettiliginiń negizderi retinde dáripteý, oblys aýmaǵynda Táýelsizdik jyldarynda aqparattyq-ımıdjdik jetistikterin jarıa etý, jáne «Rýhanı jańǵyrý», «Covid-19» sondaı-aq memleket basshysynyń basqa da tapsyrmalaryn jarıalaýdy nysanaǵa alǵan.
Tulpardyń tuıaqtysy ǵana shydaıtyn alaman báıgeni uıymdastyrýshylar Almaty oblystyq ishki saıasat basqarmasy.
Jetisýdyń jaýharlaryn tizip, jetistigin jazyp, sara jolyn saralaıtyn surmergender aqparat taratýdan artta qalǵan emes. Óńirlik BAQ ókilderi qashanda aqparat maıdanynyń alǵy shebinde. Olar Jetisý ólkesiniń jemisi men jeńisin buqaraǵa jetkizip, qoǵamdaǵy kemshil tusty dóp basyp aıtyp júr. Oblys ákiminiń qoldaýymen ótken árbir jańa bastama qashanda baspasóz betinde. Bul da jýrnalıserdiń tabandy eńbeginiń kórinisi.
Bıyl Almaty oblysynda «Jumyspen qamtýdyń jol kartasy-2020» baǵdarlamasy bastaý alǵan bolatyn. Onyń iske asýy barsha jurttyń nazarynda boldy.
Osy rette atalǵan jumystardy nasıhattaýǵa úles qosqan qalamdy jaýyngerlerdiń qaltqysyz qyzmetin moıyndamasqa bolmas. Sonymen qatar, Kóksý, Aqsý qant zaýyttarynyń jańa maýsymǵa daıyndyǵy da kógildir ekranda kórsetildi. Aýa-raıynyń qolaısyzdyǵyna, taǵdyrdyń tosyn syıyna qaramastan ólkeniń órkendeýi jolynda atqarǵan jumystary eleýsiz qalmaıdy. Barlyǵy el esinde.
Sondaı-aq, shalǵaıdaǵy eldi mekenderge baryp, aqjoltaı habardy buqaraǵa birinshi jetkizýge tyrysty. Oǵan dálel, oblys aýmaǵynda ashylǵan túrli mańyzy bar áleýmettik nysandardy qoldanysqa bergende tańmen talasa aqpar taratqandyǵy.
Olardyń mundaı eseli eńbekterin aımaq basshysynyń orynbasary Rýstam Álı de baǵalap otyr.
«Byltyrǵy jyldan bastap el prezıdenti Qasym-Jomart Toqaevtyń tapsyrmasy boıynsha kásibı mereke – Qazaqstan Jýrnalıser kúni resmı túrde bekitildi. Jalpy, ótken jylmen salystyrǵanda oblystyq BAQ-tardy qarjylandyrý 25% - ǵa artty, Jýrnalıser úıin materıaldyq-tehnıkalyq qamtamasyz etý aıtarlyqtaı jaqsardy.
Bıylǵy jyly jýrnalıser epıdemıologıalyq jaǵdaıdy ǵana emes, sondaı-aq aýyl sharýashylyǵy, áleýmettik mańyzdy nysandardyń ashylýy: juqpaly aýrýlar aýrýhanasy, mektepter, ambýlatorıalar, dene shynyqtyrý-saýyqtyrý keshenderi, stýdentterge arnalǵan jataqhanalar, turǵyn úıler sıaqty mańyzdy aspektilerdi belsendi túrde jarıa etti. Mysaly, Olar Raıymbek aýdanynda nysandardyń, óńirdiń barlyq aýdandary men qalalarynda servıstik ákimdikterdiń ashylýyn keńinen jarıa etti.
Búginde oblystyq "Jetisý" telearnasy sıfrlyq formatta 87 habar taratý stansıasy arqyly oblystyń barlyq eldi mekenderin 100% - ǵa qamtıdy. Zamanaýı stýdıalar jabdyqtalǵan jáne iske qosylǵan, olardyń eń úlkeni 600 sharshy metr. Oblys ákimdiginiń qatysýymen oblystyq jáne respýblıkalyq BAQ jýrnalıseri úshin Germanıa, Sıngapýr, Latvıa, Grýzıa, Ýkraına, Tatarstanǵa blog-týrlar uıymdastyryldy, bul túrli elderdiń BAQ ókilderi arasyndaǵy ekijaqty baılanystardyń damýyna yqpal etti",– dedi Rýstam Álı.
Tushymdy oıy, paıymdy kózqarasy bar tilshi qaýymnyń tirshiligi eldiń aldynda ótip jatyr. Halyq qalaýlylaryna aınalǵan saıypqyrandardyń «Samǵaýy» zańdylyq.
Ádettegideı, dástúrden jańylmaı ótken baıqaýǵa joǵaryda syıpattaǵan, sózden sulý saraı soǵyp, halyqtyń óz bıdaıyn ózderine qýyryp berip júrgen jandar dodaǵa tústi. Daryndylar top jardy. Tilshilik tirshilikpen tynystap júrgender 11 atalym boıynsha baǵyn synady. Barlyǵy 118 ótinish kelip túsken.
Saıys qorytyndysy boıynsha úzdikter laıyqty tuǵyryna qondy.
Jiktep aıtar bolsaq, «Úzdik jelilik basylym» nomınasıasy boıynsha 1-oryndy «Qarasayinfo» jelilik basylymy aldy. Al, «Úzdik oblystyq Vlog (Almaty oblysy boıynsha beıne-blog) nemese (Úzdik bloger») (Almaty oblysy týraly post) atalymynan Muhıt Toqtasyn júldeli birinshi orynǵa ıe boldy.
«Úzdik beıne klıp óndeýshi» dep qazylar alqasy «Jetisý» arnasynyń rejısery Erlan Ushaqpaevti tanyǵan. Júldeli orynnan kórinýshilerdiń qatarynda «Jetisý» gazetiniń dızaıneri Móldir Muratalına da bar. Ol «Baspa basylymnyń úzdik dızaıny, ınfografıka» atalymy boıynsha laıyqty tuǵyryna shyqty. «Úzdik tilshi» (aýdan, qalalyq baspa basylymdary) nomınasıasy boıynsha «Kerbulaq juldyzy» gazetiniń bas redaktory Láılá Onalbaevanyń baǵy jandy.
«Úzdik respýblıkalyq (halyqaralyq) tilshisi Almaty oblysy týraly aqparattyq materıal) atalymynda «Kazahstanskaıa pravda» gazetiniń tilshisi Áset Qalymovtyń aty oza shapty. Bul keshte «Úzdik fotosýretshi» dep «Zaman jarshysy gazetiniń» fototilshisi Erlan Álıasqarov tanyldy.
«Úzdik operator» (beınematerıal) atalymy boıynsha júlde «Jetisý» arnasynyń operatory Shalqar Qusaıynovqa buıyrdy.
«Men óte qýanyshtymyn jáne jeńimpaz ataný men úshin úlken mártebe. Meniń jeńisimdi ortaq ujymnyń jeńisi dep sanaımyn. Oblys basshylyǵyna bizge kóp kóńil bólgenderi úshin úlken rahmet. Biz óz materıaldarymyzda óńirdiń ómirin kórsetýge tyrysamyz, - dedi Jetisý telearnasynyń operatory Shalqar Qusaıynov.
Tynymsyz tirshilikti tańdaǵan qaýymnyń ishinde «Úzdik telejýrnalıst» retinde ózgelerden isi ozǵan jýrnalıs «Jetisý» arnasynyń redaktory Sánıa Baıtarova boldy. «Úzdik jýrnalıs» atalymynda «Aıqyn gazetiniń» tilshisi Bolatbek Abaǵan top jardy.
«Oblystyq jýrnalısıka salasyna qosqan úlesi úshin (ardager jýrnalıs) nomınasıasy boıynsha «Sport» respýblıkalyq gazetiniń menshikti tilshisi Máýlethan Aqsanov júldege laıyq boldy. Osylaısha,tilshiler atqarǵan isine qaraı ózara júldeni bólisti.
Rasynda, qoǵam men bıliktiń arasynda altyn kópir ornatý ońaı emes. Dese de, óz isiniń has sheberleri, talantty qyz-jigitter bul údeden shyǵyp keledi. Munysy týǵan elge degen mahabbat pen mamandyǵyn sheksiz súıgendiginiń aıqyn kórinisi. Jýrnalıserge arnalǵan júldeni qanjyǵasyna baılaǵandar bıik shyńǵa kóz tikken uly dala qyrandary. Olar jasampaz elmen birge jańa beleske kóterilip keledi. Sonyń arqasynda tıisti tuǵyryna turaqtady.
Anar Qonysova
