ال، جەتىسۋ ءوڭىرى اتالعان ولقىلىقتىڭ ورنىن تولتىردى. ول جىلسايىن وتەتىن الماتى وبلىسى اكىمىنىڭ جۇلدەسى ءۇشىن جۋرناليستتەر اراسىنداعى «سامعاۋ» بايقاۋى.
تىلشىلەر دوداسى ەلباسى نۇرسۇلتان نازاربايەۆتىڭ يدەيالارى مەن باستامالارىن قازاقستان مەملەكەتتىلىگىنىڭ نەگىزدەرى رەتىندە دارىپتەۋ، وبلىس اۋماعىندا تاۋەلسىزدىك جىلدارىندا اقپاراتتىق-يميدجدىك جەتىستىكتەرىن جاريا ەتۋ، جانە «رۋحاني جاڭعىرۋ»، «Covid-19» سونداي-اق مەملەكەت باسشىسىنىڭ باسقا دا تاپسىرمالارىن جاريالاۋدى نىساناعا العان.
تۇلپاردىڭ تۇياقتىسى عانا شىدايتىن الامان بايگەنى ۇيىمداستىرۋشىلار الماتى وبلىستىق ىشكى ساياسات باسقارماسى.
جەتىسۋدىڭ جاۋھارلارىن ءتىزىپ، جەتىستىگىن جازىپ، سارا جولىن سارالايتىن سۇرمەرگەندەر اقپارات تاراتۋدان ارتتا قالعان ەمەس. وڭىرلىك ب ا ق وكىلدەرى قاشاندا اقپارات مايدانىنىڭ العى شەبىندە. ولار جەتىسۋ ولكەسىنىڭ جەمىسى مەن جەڭىسىن بۇقاراعا جەتكىزىپ، قوعامداعى كەمشىل تۇستى ءدوپ باسىپ ايتىپ ءجۇر. وبلىس اكىمىنىڭ قولداۋىمەن وتكەن ءاربىر جاڭا باستاما قاشاندا باسپا ءسوز بەتىندە. بۇل دا جۋرناليستەردىڭ تاباندى ەڭبەگىنىڭ كورىنىسى.
بيىل الماتى وبلىسىندا «جۇمىسپەن قامتۋدىڭ جول كارتاسى-2020» باعدارلاماسى باستاۋ العان بولاتىن. ونىڭ ىسكە اسۋى بارشا جۇرتتىڭ نازارىندا بولدى.
وسى رەتتە اتالعان جۇمىستاردى ناسيحاتتاۋعا ۇلەس قوسقان قالامدى جاۋىنگەرلەردىڭ قالتقىسىز قىزمەتىن مويىنداماسقا بولماس. سونىمەن قاتار، كوكسۋ، اقسۋ قانت زاۋىتتارىنىڭ جاڭا ماۋسىمعا دايىندىعى دا كوگىلدىر ەكراندا كورسەتىلدى. اۋا-رايىنىڭ قولايسىزدىعىنا، تاعدىردىڭ توسىن سىيىنا قاراماستان ولكەنىڭ وركەندەۋى جولىندا اتقارعان جۇمىستارى ەلەۋسىز قالمايدى. بارلىعى ەل ەسىندە.
سونداي-اق، شالعايداعى ەلدى مەكەندەرگە بارىپ، اقجولتاي حاباردى بۇقاراعا ءبىرىنشى جەتكىزۋگە تىرىستى. وعان دالەل، وبلىس اۋماعىندا اشىلعان ءتۇرلى ماڭىزى بار الەۋمەتتىك نىسانداردى قولدانىسقا بەرگەندە تاڭمەن تالاسا اقپار تاراتقاندىعى.
ولاردىڭ مۇنداي ەسەلى ەڭبەكتەرىن ايماق باسشىسىنىڭ ورىنباسارى رۋستام ءالي دە باعالاپ وتىر.
«بىلتىرعى جىلدان باستاپ ەل پرەزيدەنتى قاسىم-جومارت توقايەۆتىڭ تاپسىرماسى بويىنشا كاسىبي مەرەكە – قازاقستان جۋرناليستەر كۇنى رەسمي تۇردە بەكىتىلدى. جالپى، وتكەن جىلمەن سالىستىرعاندا وبلىستىق باق-تاردى قارجىلاندىرۋ 25% - عا ارتتى، جۋرناليستەر ءۇيىن ماتەريالدىق-تەحنيكالىق قامتاماسىز ەتۋ ايتارلىقتاي جاقساردى.
بيىلعى جىلى جۋرناليستەر ەپيدەميولوگيالىق جاعدايدى عانا ەمەس، سونداي-اق اۋىل شارۋاشىلىعى، الەۋمەتتىك ماڭىزدى نىسانداردىڭ اشىلۋى: جۇقپالى اۋرۋلار اۋرۋحاناسى، مەكتەپتەر، امبۋلاتوريالار، دەنە شىنىقتىرۋ-ساۋىقتىرۋ كەشەندەرى، ستۋدەنتتەرگە ارنالعان جاتاقحانالار، تۇرعىن ۇيلەر سياقتى ماڭىزدى اسپەكتىلەردى بەلسەندى تۇردە جاريا ەتتى. مىسالى، ولار رايىمبەك اۋدانىندا نىسانداردىڭ، ءوڭىردىڭ بارلىق اۋداندارى مەن قالالارىندا سەرۆيستىك اكىمدىكتەردىڭ اشىلۋىن كەڭىنەن جاريا ەتتى.
بۇگىندە وبلىستىق "جەتىسۋ" تەلەارناسى سيفرلىق فورماتتا 87 حابار تاراتۋ ستانسياسى ارقىلى وبلىستىڭ بارلىق ەلدى مەكەندەرىن 100% - عا قامتيدى. زاماناۋي ستۋديالار جابدىقتالعان جانە ىسكە قوسىلعان، ولاردىڭ ەڭ ۇلكەنى 600 شارشى مەتر. وبلىس اكىمدىگىنىڭ قاتىسۋىمەن وبلىستىق جانە رەسپۋبليكالىق ب ا ق جۋرناليستەرى ءۇشىن گەرمانيا، سينگاپۋر، لاتۆيا، گرۋزيا، ۋكراينا، تاتارستانعا بلوگ-تۋرلار ۇيىمداستىرىلدى، بۇل ءتۇرلى ەلدەردىڭ ب ا ق وكىلدەرى اراسىنداعى ەكىجاقتى بايلانىستاردىڭ دامۋىنا ىقپال ەتتى"،– دەدى رۋستام ءالي.
تۇشىمدى ويى، پايىمدى كوزقاراسى بار ءتىلشى قاۋىمنىڭ تىرشىلىگى ەلدىڭ الدىندا ءوتىپ جاتىر. حالىق قالاۋلىلارىنا اينالعان سايىپقىرانداردىڭ «سامعاۋى» زاڭدىلىق.
ادەتتەگىدەي، داستۇردەن جاڭىلماي وتكەن بايقاۋعا جوعارىدا سىيپاتتاعان، سوزدەن سۇلۋ ساراي سوعىپ، حالىقتىڭ ءوز بيدايىن وزدەرىنە قۋىرىپ بەرىپ جۇرگەن جاندار دوداعا ءتۇستى. دارىندىلار توپ جاردى. تىلشىلىك تىرشىلىكپەن تىنىستاپ جۇرگەندەر 11 اتالىم بويىنشا باعىن سىنادى. بارلىعى 118 ءوتىنىش كەلىپ تۇسكەن.
سايىس قورىتىندىسى بويىنشا ۇزدىكتەر لايىقتى تۇعىرىنا قوندى.
جىكتەپ ايتار بولساق، «ۇزدىك جەلىلىك باسىلىم» نوميناسياسى بويىنشا 1-ورىندى «قarasayinfo» جەلىلىك باسىلىمى الدى. ال، «ۇزدىك وبلىستىق Vlog (الماتى وبلىسى بويىنشا بەينە-بلوگ) نەمەسە (ۇزدىك بلوگەر») (الماتى وبلىسى تۋرالى پوست) اتالىمىنان مۇحيت توقتاسىن جۇلدەلى ءبىرىنشى ورىنعا يە بولدى.
«ۇزدىك بەينە كليپ وندەۋشى» دەپ قازىلار القاسى «جەتىسۋ» ارناسىنىڭ رەجيسسەرى ەرلان ۇشاقپايەۆتى تانىعان. جۇلدەلى ورىننان كورىنۋشىلەردىڭ قاتارىندا «جەتىسۋ» گازەتىنىڭ ديزاينەرى ءمولدىر مۇراتالينا دا بار. ول «باسپا باسىلىمنىڭ ۇزدىك ديزاينى، ينفوگرافيكا» اتالىمى بويىنشا لايىقتى تۇعىرىنا شىقتى. «ۇزدىك ءتىلشى» (اۋدان، قالالىق باسپا باسىلىمدارى) نوميناسياسى بويىنشا «كەربۇلاق جۇلدىزى» گازەتىنىڭ باس رەداكتورى ليايليا ونالبايەۆانىڭ باعى جاندى.
«ۇزدىك رەسپۋبليكالىق (حالىقارالىق) ءتىلشىسى الماتى وبلىسى تۋرالى اقپاراتتىق ماتەريال) اتالىمىندا «كازاحستانسكايا پراۆدا» گازەتىنىڭ ءتىلشىسى اسەت قالىموۆتىڭ اتى وزا شاپتى. بۇل كەشتە «ۇزدىك فوتوسۋرەتشى» دەپ «زامان جارشىسى گازەتىنىڭ» ءفوتوتىلشىسى ەرلان ءالياسقاروۆ تانىلدى.
«ۇزدىك وپەراتور» (بەينەماتەريال) اتالىمى بويىنشا جۇلدە «جەتىسۋ» ارناسىنىڭ وپەراتورى شالقار قۇسايىنوۆقا بۇيىردى.
«مەن وتە قۋانىشتىمىن جانە جەڭىمپاز اتانۋ مەن ءۇشىن ۇلكەن مارتەبە. مەنىڭ جەڭىسىمدى ورتاق ۇجىمنىڭ جەڭىسى دەپ سانايمىن. وبلىس باسشىلىعىنا بىزگە كوپ كوڭىل بولگەندەرى ءۇشىن ۇلكەن راحمەت. ءبىز ءوز ماتەريالدارىمىزدا ءوڭىردىڭ ءومىرىن كورسەتۋگە تىرىسامىز، - دەدى جەتىسۋ تەلەارناسىنىڭ وپەراتورى شالقار قۇسايىنوۆ.
تىنىمسىز تىرشىلىكتى تاڭداعان قاۋىمنىڭ ىشىندە «ۇزدىك تەلەجۋرناليست» رەتىندە وزگەلەردەن ءىسى وزعان جۋرناليست «جەتىسۋ» ارناسىنىڭ رەداكتورى ءسانيا بايتاروۆا بولدى. «ۇزدىك جۋرناليست» اتالىمىندا «ايقىن گازەتىنىڭ» ءتىلشىسى بولاتبەك اباعان توپ جاردى.
«وبلىستىق جۋرناليستيكا سالاسىنا قوسقان ۇلەسى ءۇشىن (ارداگەر جۋرناليست) نوميناسياسى بويىنشا «سپورت» رەسپۋبليكالىق گازەتىنىڭ مەنشىكتى ءتىلشىسى ماۋلەتحان اقسانوۆ جۇلدەگە لايىق بولدى. وسىلايشا،تىلشىلەر اتقارعان ىسىنە قاراي ءوزارا جۇلدەنى ءبولىستى.
راسىندا، قوعام مەن بيلىكتىڭ اراسىندا التىن كوپىر ورناتۋ وڭاي ەمەس. دەسە دە، ءوز ءىسىنىڭ حاس شەبەرلەرى، تالانتتى قىز-جىگىتتەر بۇل ۇدەدەن شىعىپ كەلەدى. مۇنىسى تۋعان ەلگە دەگەن ماحاببات پەن ماماندىعىن شەكسىز سۇيگەندىگىنىڭ ايقىن كورىنىسى. جۋرناليستەرگە ارنالعان جۇلدەنى قانجىعاسىنا بايلاعاندار بيىك شىڭعا كوز تىككەن ۇلى دالا قىراندارى. ولار جاسامپاز ەلمەن بىرگە جاڭا بەلەسكە كوتەرىلىپ كەلەدى. سونىڭ ارقاسىندا ءتيىستى تۇعىرىنا تۇراقتادى.
انار قونىسوۆا
