Ile-Alataý taýlarynyń ońtústik betkeiinde 55 kóshkin qaýpi bar ýchaske anyqtaldy. Qaýip Almaty oblysynyń Eńbekshiqazaq, Talǵar jáne Qarasai aýdandarynda ornalasqan, dep habarlaidy Dalanews.kz.
Almaty oblysynyń Tótenshe jaǵdailar departamenti turǵyndar men qonaqtarǵa qar basqan betkeilerge shyqpaýǵa jáne taýly aimaqtarda qaýipsizdik sharalaryn saqtaýǵa shaqyrady.
"2-5 jeltoqsan aralyǵynda kóshkin júrý qaýpi bar ekendigin atap ótken TJD ókilderi azamattardan, týrister men demalýshylardan qarly betkeilerge shyqpaýyn jáne taýly jerlerde qaýipsizdik erejelerin qatań saqtaýlaryn suraidy. Qar kóshkini kóbine temperatýranyń joǵarylaýy, sondai-aq qar men jańbyr túrindegi mol jaýyn-shashynnyń áserinen bolýy múmkin", dep túsindirdi Baq.kz agenttigine Almaty oblysy TJD resmi ókili Aigerim Qanabekqyzy.
