Almaty oblysynda otandyq vaktsinany 370-ten astam adam saldyrdy
Oblystyq densaýlyq saqtaý basqarmasynyń málimetine súiensek, 146 adam Kerbulaq aýdandyq ortalyq aýrýhanada vaktsinanyń birinshi komponentin aldy, Kóksý OAA – 121, Taldyqorǵan qalalyq emhanasynda – 80, Tekeli OAA – 23, Qaratal OAA – 8 adam osy vaktsinany saldyrdy.
Oblystyq densaýlyq saqtaý basqarmasy basshysynyń orynbasary Arman Janseńgirovtiń aitýynsha, otandyq vaktsinanyń ózgelerinen ereksheligi sol, ony +2-den +8 gradýsqa deiin saqtaýǵa bolady, bul onyń tasymaldaý, saqtaý jaǵdailarynyń tiimdiligin kórsetedi. «Qazaqstandyq ǵalymdar daiyndaǵan bul vaktsinanyń belsendiligi joiylǵan» dep túsindirdi maman.
Jalpy búgingi kúni Almaty oblysynda koronavirýsqa qarsy vaktsinalardyń 1-shi komponentin 134 253 adam, II komponentin 17 596 adam saldyrdy. 253 egý pýnkti jumys isteidi, sonyń 80-i jyljymaly pýnkt.
