Almaty oblysynyń prokýratýrasy Eńbekshiqazaq aýdanyndaǵy “Meıirimdi perishte” jeke menshik gımnazıasynda jumys isteıtin muǵalimderdiń eńbek quqyqtaryn qorǵaý boıynsha shara qoldandy, dep habarlaıdy Dalanews.kz.

Atalǵan bilim mekemesi jarty jyl boıy 56 muǵalimge eńbekaqy tólemeı, 40 mln teńge qaryz bolǵan. Atqarýshylyq óndirister júrgizilgenine qaramastan, qyzmetkerlerdiń aldyndaǵy bul qaryz ótelmegen.

“Prokýratýra aralasqannan keıin boryshkerge tıesili jyljymaıtyn múlikter anyqtalyp, satylymǵa shyǵaryldy. Satýdan túsken qarajat tolyǵymen qaryzdy óteýge jumsalyp, pedagogterdiń eńbek quqyqtary qalpyna keltirildi”, – El.kz agenttigine joldaǵan vedomstvo habarlamasynda.

Aıta keteıik, buǵan deıin Qarjy mınstri Mádı Takıev jáne Ulttyq ekonomıka mınıstri Nurlan Baıbazarov Qazaqstanda jalaqy nege az ekenin túsindirgen edi.

Mınıstr búgingi tańda 100-150 myń aralyǵyndaǵy jalaqyny qazaqstandyqtardyń 35 paıyzy alatynyn aıtty. 

"300-600 myń aralyǵynda 36 paıyzy alady. Búgingi tańda ekonomıkanyń kórinisi sondaı. Jalpy kóp kómek berilip jatyr. 2-3 jyldyń ishinde muǵalimder, dárigerlerdiń jalaqysy kóterildi. Áli de kóbeıedi dep senemiz. Odan basqa eń tómengi jalaqy 85 myń teńge", - deıdi Takıev. 

Al Ulttyq ekonomıka mınıstri Nurlan Baıbazarov ekonomıkalyq sektordaǵy jalaqy óndiristiń ónimdiligine baılanysty ekenin aıtady. 

"Jalaqy bir orynda turǵan joq. Kásiporyndar tabysy artqan saıyn qyzmetkerlerdiń jalaqysyn kóterýge tyrysady. Ekinshi jaǵynan memlekettik qoldaý sharalary kezinde qoıylatyn talap - qyzmetkerleriniń jalaqysyn kóterip qoıýy qajet. Eger búdjet salasy jaıly aıtar bolsaq, ózderińizge belgili, keıingi jyldary búdjet esebinen memlekettik, azamattyq qyzmetkerlerge jalaqyny kóterý jumystary júrgizildi. Áli de júrgizilip jatyr. Sondyqtan búdjettiń múmkindiginshe halyqtyń ál-aýqatyn kóterý úshin jumysty jalǵastyramyz", - deıdi Baıbazarov.