الماتى وبلىسىنىڭ پروكۋراتۋراسى ەڭبەكشٸقازاق اۋدانىنداعى “مەيٸرٸمدٸ پەرٸشتە” جەكە مەنشٸك گيمنازيياسىندا جۇمىس ٸستەيتٸن مۇعالٸمدەردٸڭ ەڭبەك قۇقىقتارىن قورعاۋ بويىنشا شارا قولداندى, دەپ حابارلايدى Dalanews.kz.
اتالعان بٸلٸم مەكەمەسٸ جارتى جىل بويى 56 مۇعالٸمگە ەڭبەكاقى تٶلەمەي, 40 ملن تەڭگە قارىز بولعان. اتقارۋشىلىق ٶندٸرٸستەر جٷرگٸزٸلگەنٸنە قاراماستان, قىزمەتكەرلەردٸڭ الدىنداعى بۇل قارىز ٶتەلمەگەن.
“پروكۋراتۋرا ارالاسقاننان كەيٸن بورىشكەرگە تيەسٸلٸ جىلجىمايتىن مٷلٸكتەر انىقتالىپ, ساتىلىمعا شىعارىلدى. ساتۋدان تٷسكەن قاراجات تولىعىمەن قارىزدى ٶتەۋگە جۇمسالىپ, پەداگوگتەردٸڭ ەڭبەك قۇقىقتارى قالپىنا كەلتٸرٸلدٸ”, – El.kz اگەنتتٸگٸنە جولداعان ۆەدومستۆو حابارلاماسىندا.
ايتا كەتەيٸك, بۇعان دەيٸن قارجى مينسترٸ مەدي تاكيەۆ جەنە ۇلتتىق ەكونوميكا مينيسترٸ نۇرلان بايبازاروۆ قازاقستاندا جالاقى نەگە از ەكەنٸن تٷسٸندٸرگەن ەدٸ.
مينيستر بٷگٸنگٸ تاڭدا 100-150 مىڭ ارالىعىنداعى جالاقىنى قازاقستاندىقتاردىڭ 35 پايىزى الاتىنىن ايتتى.
"300-600 مىڭ ارالىعىندا 36 پايىزى الادى. بٷگٸنگٸ تاڭدا ەكونوميكانىڭ كٶرٸنٸسٸ سونداي. جالپى كٶپ كٶمەك بەرٸلٸپ جاتىر. 2-3 جىلدىڭ ٸشٸندە مۇعالٸمدەر, دەرٸگەرلەردٸڭ جالاقىسى كٶتەرٸلدٸ. ەلٸ دە كٶبەيەدٸ دەپ سەنەمٸز. ودان باسقا ەڭ تٶمەنگٸ جالاقى 85 مىڭ تەڭگە", - دەيدٸ تاكيەۆ.
ال ۇلتتىق ەكونوميكا مينيسترٸ نۇرلان بايبازاروۆ ەكونوميكالىق سەكتورداعى جالاقى ٶندٸرٸستٸڭ ٶنٸمدٸلٸگٸنە بايلانىستى ەكەنٸن ايتادى.
"جالاقى بٸر ورىندا تۇرعان جوق. كەسٸپورىندار تابىسى ارتقان سايىن قىزمەتكەرلەردٸڭ جالاقىسىن كٶتەرۋگە تىرىسادى. ەكٸنشٸ جاعىنان مەملەكەتتٸك قولداۋ شارالارى كەزٸندە قويىلاتىن تالاپ - قىزمەتكەرلەرٸنٸڭ جالاقىسىن كٶتەرٸپ قويۋى قاجەت. ەگەر بيۋدجەت سالاسى جايلى ايتار بولساق, ٶزدەرٸڭٸزگە بەلگٸلٸ, كەيٸنگٸ جىلدارى بيۋدجەت ەسەبٸنەن مەملەكەتتٸك, ازاماتتىق قىزمەتكەرلەرگە جالاقىنى كٶتەرۋ جۇمىستارى جٷرگٸزٸلدٸ. ەلٸ دە جٷرگٸزٸلٸپ جاتىر. سوندىقتان بيۋدجەتتٸڭ مٷمكٸندٸگٸنشە حالىقتىڭ ەل-اۋقاتىن كٶتەرۋ ٷشٸن جۇمىستى جالعاستىرامىز", - دەيدٸ بايبازاروۆ.
