Naýryz aıy, meıirimdilik pen qamqorlyq aıy. El Prezıdenti Qasym-Jomart Toqaev naýryz meıramynyń 10 kúndigin belgilep bergen edi. Sonyń ishinde  18 naýryz – «Igi ister kúni» dep jarıalanǵan bolatyn.

Bul kúnde, tekti qazaqtyń qanyna sińgen qaıyrymdylyq pen jaqsylyq jasalyp, qoǵamnyń áleýmettik osal toptaryna barynsha kómek kórsetiledi.

Atalǵan sharapaty mol bastamadan, jetisýlyqtarda qalys qalmady. Qaıyrymdy isti bul joly Almaty oblystyq jaýyngerlik óner asosıasıasy uıymdastyrdy, – dep habarlaıdy Dalanews.kz. Olar, kóp balaly 6 otbasyna azyq-túlik pen qatty otyn jaǵynan kómek qolyn sozdy. Solardyń biri, 4 balaly Nazıra Nurǵalıeva.

– Uıymdastyrýshylarǵa óz alǵysymdy bildiremin. Bul álemde meıirimdi adamdar jeterlik. Bizge qajetti zattardy alyp keldi. Otbasymyz úlken bolǵandyqtan, bizge úlken kómek boldy, – deıdi Nazıra Nurǵalıeva.

Almaty oblystyq jaýyngerlik óner asosıasıasynyń basshysy Aıdos Iskakovtyń aıtýynsha, olar munymen toqtap qalmaq emes. Turaqty túrde muqtaj azamattarǵa qol ushyn sozbaq.

Erteń Almaty oblysy jaýyngerlik óner qaýymdastyǵynyń ókilderi taǵy bir aksıa ótkizýdi josparlap otyr. Biraq bul joly oblys ortalyǵynyń ekologıalyq jaǵdaıyn qoldaý boıynsha. Taldyqorǵandaǵy sport nysandarynyń aýmaǵynda shyrsha men qaraǵaı otyrǵyzylady.