بۇل كۇندە، تەكتى قازاقتىڭ قانىنا سىڭگەن قايىرىمدىلىق پەن جاقسىلىق جاسالىپ، قوعامنىڭ الەۋمەتتىك وسال توپتارىنا بارىنشا كومەك كورسەتىلەدى.
اتالعان شاراپاتى مول باستامادان، جەتىسۋلىقتاردا قالىس قالمادى. قايىرىمدى ءىستى بۇل جولى الماتى وبلىستىق جاۋىنگەرلىك ونەر اسسوسياسياسى ۇيىمداستىردى، – دەپ حابارلايدى Dalanews.kz. ولار، كوپ بالالى 6 وتباسىنا ازىق-تۇلىك پەن قاتتى وتىن جاعىنان كومەك قولىن سوزدى. سولاردىڭ ءبىرى، 4 بالالى نازيرا نۇرعالييەۆا.
– ۇيىمداستىرۋشىلارعا ءوز العىسىمدى بىلدىرەمىن. بۇل الەمدە مەيىرىمدى ادامدار جەتەرلىك. بىزگە قاجەتتى زاتتاردى الىپ كەلدى. وتباسىمىز ۇلكەن بولعاندىقتان، بىزگە ۇلكەن كومەك بولدى، – دەيدى نازيرا نۇرعالييەۆا.
الماتى وبلىستىق جاۋىنگەرلىك ونەر اسسوسياسياسىنىڭ باسشىسى ايدوس يسكاكوۆتىڭ ايتۋىنشا، ولار مۇنىمەن توقتاپ قالماق ەمەس. تۇراقتى تۇردە مۇقتاج ازاماتتارعا قول ۇشىن سوزباق.
ەرتەڭ الماتى وبلىسى جاۋىنگەرلىك ونەر قاۋىمداستىعىنىڭ وكىلدەرى تاعى ءبىر اكسيا وتكىزۋدى جوسپارلاپ وتىر. ءبىراق بۇل جولى وبلىس ورتالىعىنىڭ ەكولوگيالىق جاعدايىن قولداۋ بويىنشا. تالدىقورعانداعى سپورت نىساندارىنىڭ اۋماعىندا شىرشا مەن قاراعاي وتىرعىزىلادى.
