Qaýlyǵa sáikes karantin sharalaryn jumsartý kezeńinde Almaty oblysynyń aýmaǵynda COVID-19 infektsiiasy tirkelgenine bailanysty karantinniń kúsheitilgen rejimi engizilgen eldi mekender men nysandardan basqa jerlerde optika dúkenderi, turmystyq tehnika satatyn dúkender, fotosalondar, gúl satatyn kioskiler, jyljymaityn múlikterge qatysty operatsiialar atqaratyn kompaniialar, jarnama agenttikteri, saqtandyrý kompaniialary, lombardtar, sol siiaqty aqparattyq-kommýnikatsiialyq tehnologiialar kompaniialary óz jumysyn bastaidy.
Tańerteńgi saǵat 9-dan keshki 17.00-ge deiin turmystyq jáne elektrondy tehnikalardy jóndeý qyzmetin kórsetetin nysandar, sol siiaqty aýmaǵy 500 m² deiingi barlyq azyq-túlik dúkenderi jumys isteidi.
Shashtarazdar, sulýlyq salondary aldyn ala jazylym boiynsha qaita iske kirisedi, jumys kestesi - saǵat 9-dan 18.00-ge deiin.
Sanatoriilerde, balalardy saýyqtyrý mekemelerinde, memlekettik ulttyq tabiǵi saiabaqtarda, mýzeilerde jazǵy týristik maýsymǵa daiyndyq jumystary bastalady, týristik firmalar jumys isteidi, biraq ázirge týristerdi qabyldaýǵa jáne qyzmet kórsetýge quqyǵy joq.
Sol siiaqty ashyq alańda kórermensiz sporttyq sharalar men jattyǵýlar ótkizýge ruqsat berildi.
Bul rette oblystyń aýdan, qala ákimderine, oblystyq kásipkerlik jáne indýstrialdy-innovatsiialyq damý basqarmasyna jáne oblystyq «Atameken» KUP-ǵa aqparattyq arnalar arqyly qyzmettiń shekteýlerin alyp tastaýǵa bekitilgen obektilerdi habardar etý, beiindi qaýymdastyqtardyń qatysýymen beinekonferentsiia ótkizý, resmi veb-resýrstarǵa qajetti aqparatty ornalastyrýdy qamtamasyz etý tapsyryldy.
Atap óterligi, Almaty oblysy aýmaǵynda karantin áli alynyp tastalǵan joq. Sondyqtan barlyq sanitarlyq-dezinfektsiialyq sharalar talaptaryn qatań saqtaý qajet.
Osy talaptardyń buzylýy nemese oryndalmaýy anyqtalǵan jaǵdaida tótenshe jaǵdai kezindegi QR zańnamalaryna sáikes jedel sharalar qabyldanatyn bolady.
Jańa qaýly óńir aýmaǵynda búginnen bastap kúshine endi.
