Táýelsizdik kúni qarsańynda Almaty oblysynyń Balqash aýdanynda jastarǵa arnalǵan zamanaýi kovorking ortalyǵy ashyldy, dep habarlaidy Dalanews.kz.
Bul ortalyq aýdan jastary úshin kópten kútken mańyzdy oqiǵa boldy. Balqash aýdanyndaǵy halyqtyń úshten birin quraityn jastardyń jan-jaqty damýyna, bos ýaqytyn tiimdi ótkizýine jáne qajetti aqparat alýyna múmkindik jasaityn ortalyq endi qyzmet kórsetedi.
Ortalyqta jastarǵa bilikti mamandar psihologiialyq jáne zańgerlik kómek beredi, qarjylyq saýattylyq boiynsha keńester usynady, sondai-aq jumysqa ornalasýǵa qoldaý kórsetedi.
Jastar ortalyqtarynyń damýy
Jastar ortalyqtary Almaty oblysynda jyl basynan beri qarqyndy damyp keledi. Buǵan deiin Qonaev qalasy men Kegen aýdanynda osyndai ortalyqtar iske qosylsa, jeltoqsan aiynda Raiymbek aýdanynda taǵy bir ortalyq ashylmaq. Al kelesi jyly Qaskeleń qalasynda jańa ortalyqtyń qurylysy josparlanýda.
Oblystyq jastar saiasaty máseleleri basqarmasynyń basshysy Mádi Ahmetov bul baǵyttaǵy jumystardyń mańyzdylyǵyn atap ótti.
«Qazirgi tańda Almaty oblysynda 14 pen 35 jas aralyǵyndaǵy 420 myńnan astam jas bar. Buryn jastarǵa arnalǵan, qiyn kezde kómek kórsetip, bas qosatyn ortalyqtar bolmaǵan edi. Biz bul máseleni kezeń-kezeńimen sheship jatyrmyz. Aldaǵy ýaqytta oblystyń barlyq aýdanynda jastar úshin zamanaýi infraqurylym qurýdy josparlap otyrmyz. Bul jastarmen júieli jumys júrgizýge múmkindik beredi», – dedi ol.
Jastarǵa arnalǵan jańa múmkindikter
Kovorking ortalyqtary óńir jastaryn áleýmettendirýdiń mańyzdy alańyna ainalýda. Munda biznes-treningter, sheberlik sabaqtary, kórmeler, kezdesýler men túrli úiirmeler tegin ótkiziledi.
Qonaev qalasy men Kegen aýdanynda ashylǵan ortalyqtarda jyl basynan beri 9 myńnan astam jasty qamtyǵan 700-ge jýyq is-shara uiymdastyryldy. Sharalar negizinen intellektýaldy, IT jáne kreativti salalarǵa baǵyttalǵan. Sondai-aq, bul ortalyqtarda biznes jeli qurý boiynsha kezdesýler, tanymal tulǵalarmen suhbattar jáne sheberlik sabaqtary ótkizildi.
Balqash aýdanynda ashylǵan jańa ortalyq osy baǵyttaǵy jumystardy jalǵastyra otyryp, jastardyń áleýetin arttyrýǵa yqpal etetin bolady.
