Ulttyq qaýipsizdik komiteti taǵy bir kólemdi esirtki zerthanasyn joidy, - dep habarlaidy Dalanews.kz.
Biyl qazanda UQK Almaty oblysy boiynsha departamenti prokýratýra organdarynyń úilestirýimen sintetikalyq esirtki óndirine qatysty jasyryn zerthananyń áreketiniń jolyn kesti.
Esirtkini daiyndaý kezinde Qazaqstan azamaty ustalyp, sot sanktsiiasymen qamaýǵa alyndy.
"5 kg jýyq daiyn jáne 350 litr a-PVP suiyq psihotrop zaty, sondai-aq 800 litr prekýrsorlar men esirtki daiyndaýǵa arnalǵan zerthanalyq jabdyq tárkilendi", - dep jazylǵan habarlamada.
Qylmystyq kodekstiń 297-baby 3-bóligi boiynsha sotqa deiingi tergep-tekserý júrgizilýde.
Aita keteiik, buǵan deiin de Almaty oblysynda politsiia esirtki zerthanasyn joidy.
“Qarasora – 2024” jedel-profilaktikalyq is-shara barysynda esirtki qylmysyna qarsy is-qimyl basqarmasynyń qyzmetkerleri Besaǵash aýylynyń mańynda psihotroptyq zattardy zańsyz óndirdi degen kúdiktini ustady. Politsiia toqtatqan kólikti tekserý barysynda jolaýshylar oryndyǵynda 22 jastaǵy er adam bolǵan.
Jeke tintý barysynda odan erekshe iisi, untaq zaty bar qara polietilen paket tabylyp, tárkilendi.
Psihotroptyq zattardy zańsyz daiyndaý faktisi boiynsha qylmystyq is qozǵaldy. Kúdikti qamaýǵa alyndy.
