Almaty oblysynda gaz, aýyz sýmen qamtýda qarqyndy jumystar atqarylýda
Óńir basshysynyń aitýynsha, ázirge kógildir otyn jetkizilmegen bes aýdan qaldy: «Osy aýdandardy gazdandyrý úshin «Taldyqorǵan – Úsharal», «Shelek – Kegen» magistraldy gaz qubyry qurylysynyń jobalyq-smetalyq qujattamasyn aiaqtaimyz. Qurylys jumystary kelesi jyldan bastalady» dedi A. Batalov.
Sol siiaqty spiker ortalyqtandyrylǵan aýyz sýmen qamtý deńgeii respýblika boiynsha aldyńǵy qatarda ekenin tilge tiek etti, iaǵni 98,3%, bul 678 eldi meken qamtyldy degen sóz. Biylǵy jyly 7 aýylǵa sý qubyryn júrgizý esebinen bul kórsetkish 99,5% jetkiziledi, sol siiaqty 11 aýylda aýyz sý sapasy jaqsartylady.
Baiandamashynyń sózine súiensek, jyldan jylǵa jol sapasy da jaqsaryp keledi, qazirgi kezde jaqsy jáne qanaǵattarlyq jaǵdaidaǵy jergilikti mańyzdaǵy joldardyń úlesi – 84%. Biylǵy jyly 385 eldi mekende oblystyq mańyzdaǵy jáne aýylishilik 332 km jol jóndeledi, oǵan 33 mlrd. teńge bólindi.
