Ótken jyly Almaty oblysy turǵyndarynyń 59%-ine, ıaǵnı 1,2 mıllıon adamnyń gazǵa qosylý múmkindigine ıe boldy týǵyzyldy. Bıylǵy jyly taǵy 23 eldi mekende osyndaı jaǵdaı jasalyp, kórsetkish 61%-ke jetedi. Bul týraly búgin Nur-Sultan qalasyndaǵy Ortalyq komýnıkasıalar qyzmeti alańynda ótken brıfıń kezinde Almaty oblysynyń ákimi Amandyq Batalov aıtty, – dep habarlaıdy Dalanews.kz Almaty oblysy ákiminiń baspasóz qyzmeti.

Óńir basshysynyń aıtýynsha, ázirge kógildir otyn jetkizilmegen bes aýdan qaldy: «Osy aýdandardy gazdandyrý úshin «Taldyqorǵan – Úsharal», «Shelek – Kegen» magıstraldy gaz qubyry qurylysynyń jobalyq-smetalyq qujattamasyn aıaqtaımyz. Qurylys jumystary kelesi jyldan bastalady» dedi A. Batalov.

Sol sıaqty spıker ortalyqtandyrylǵan aýyz sýmen qamtý deńgeıi respýblıka boıynsha aldyńǵy qatarda ekenin tilge tıek etti, ıaǵnı 98,3%, bul 678 eldi meken qamtyldy degen sóz. Bıylǵy jyly 7 aýylǵa sý qubyryn júrgizý esebinen bul kórsetkish 99,5% jetkiziledi, sol sıaqty 11 aýylda aýyz sý sapasy jaqsartylady.

Baıandamashynyń sózine súıensek, jyldan jylǵa jol sapasy da jaqsaryp keledi, qazirgi kezde jaqsy jáne qanaǵattarlyq jaǵdaıdaǵy jergilikti mańyzdaǵy joldardyń úlesi –  84%. Bıylǵy jyly 385 eldi mekende oblystyq mańyzdaǵy jáne aýylishilik 332 km jol jóndeledi, oǵan 33 mlrd. teńge bólindi.