Almaty oblysynda Eńbekshiqazaq aýdanynyń Esik qalasy men Shelek aýylynda koronavırýs ınfeksıasynyń kóptep tirkelýine baılanysty karantın jarıalandy, dep habarlaıdy Dalanews.kz.
Eńbekshiqazaq aýdanynyń bas memlekettik sanıtarlyq dárigeri Mırjan Ázirbaev ekonomıkalyq jáne (nemese) basqa qyzmetke jáne halyqtyń ómirine erekshe jaǵdaılary bar karantındik rejımdi engizý týraly tıisti sheshimderdi qabyldady.
Osy sheshimderge sáıkes, Esik qalasy men Shelek aýylynyń perımetri boıynsha karantındik aımaqtardyń shekaralary bir kún buryn 00.00-den bastap belgilenip, blok-beketter qoıyldy. Shekteý sharalarynyń rejımi men merzimderi COVID-19 - jańa vırýsynyń taralý deńgeıine qaraı ózgertilýi múmkin.
Qabyldanǵan sheshimderde Eńbekshiqazaq aýdanaralyq kópsalaly aýrýhanasyndaǵy jedel járdem qyzmeti jumysynyń ereksheligine basa nazar aýdarylǵan.
Sonymen, aýrýhanalardaǵy bólimder 3 V qaǵıdaty boıynsha jumys isteýge kóshedi: beınebaqylaý, jeldetý jáne vızýalızasıa. Ár aýysym basqa aýysymnyń adamdarynan oqshaýlanady.
