الماتى وبلىسىندا ەڭبەكشىقازاق اۋدانىنىڭ ەسىك قالاسى مەن شەلەك اۋىلىندا كوروناۆيرۋس ينفەكسياسىنىڭ كوپتەپ تىركەلۋىنە بايلانىستى كارانتين جاريالاندى، دەپ حابارلايدى Dalanews.kz.
ەڭبەكشىقازاق اۋدانىنىڭ باس مەملەكەتتىك سانيتارلىق دارىگەرى ميرجان ازىربايەۆ ەكونوميكالىق جانە (نەمەسە) باسقا قىزمەتكە جانە حالىقتىڭ ومىرىنە ەرەكشە جاعدايلارى بار كارانتيندىك رەجيمدى ەنگىزۋ تۋرالى ءتيىستى شەشىمدەردى قابىلدادى.
وسى شەشىمدەرگە سايكەس، ەسىك قالاسى مەن شەلەك اۋىلىنىڭ پەريمەترى بويىنشا كارانتيندىك ايماقتاردىڭ شەكارالارى ءبىر كۇن بۇرىن 00.00-دەن باستاپ بەلگىلەنىپ، بلوك-بەكەتتەر قويىلدى. شەكتەۋ شارالارىنىڭ رەجيمى مەن مەرزىمدەرى COVID-19 - جاڭا ۆيرۋسىنىڭ تارالۋ دەڭگەيىنە قاراي وزگەرتىلۋى مۇمكىن.
قابىلدانعان شەشىمدەردە ەڭبەكشىقازاق اۋدانارالىق كوپسالالى اۋرۋحاناسىنداعى جەدەل جاردەم قىزمەتى جۇمىسىنىڭ ەرەكشەلىگىنە باسا نازار اۋدارىلعان.
سونىمەن، اۋرۋحانالارداعى بولىمدەر 3 ۆ قاعيداتى بويىنشا جۇمىس ىستەۋگە كوشەدى: بەينەباقىلاۋ، جەلدەتۋ جانە ۆيزۋاليزاسيا. ءار اۋىسىم باسقا اۋىسىمنىڭ ادامدارىنان وقشاۋلانادى.
