Almaty oblysynda 8 naýryz – Halyqaralyq áielder kúnine orai túrli salada tabysty eńbek etip júrgen názik jandylarǵa qurmet kórsetildi,- dep habarlaidy Dalanews.kz
Saltanatty jiynda óńir basshysy Marat Sultanǵaziev el damýyna úles qosyp júrgen áielderdiń qoǵamdaǵy mańyzyn atap ótti.
“Bul kún – sizderdiń meiirimderińiz ben aqyl-parasattaryńyzǵa, qajyrly eńbekterińiz ben qaisarlyqtaryńyzǵa degen erekshe qurmettiń belgisi. Sizder – otbasynyń tiregi ǵana emes, eldiń órkendeýine súbeli úles qosyp júrgen belsendi mamandarsyzdar. Búginde oblysta basqarý salasynda eńbek etetin áielderdiń úlesi – 27 paiyz, al memlekettik qyzmettegi názik jandylar – 58 paiyzdy quraidy. Sonymen qatar, 52 myńnan astam kópbalaly analarymyzdyń 18 myńy «Altyn alqa» jáne «Kúmis alqa» iegeri. Analarymyz ben ájelerimiz jas urpaqqa izgilik pen adamgershiliktiń úlgisin kórsetip, eńbekqorlyq pen bilimge qushtarlyqqa tárbieleýde”, – dedi oblys ákimi.
Merekelik jiynda ártúrli salada úzdik jetistikke jetken áielder «Qurmet» ordenimen, «Eren eńbegi úshin» medalimen, «Shapaǵat» medalimen, sondai-aq Qazaqstan Respýblikasy Prezidentiniń quttyqtaý hatymen, Almaty oblysynyń Qurmet gramotasymen jáne Alǵys hatymen marapattaldy.
Qarapaiym eńbek – úlken qurmet Marapattalǵandardyń qatarynda energetika, áleýmettik qyzmet, densaýlyq saqtaý, bilim berý, óndiris, sport jáne tótenshe jaǵdailar salasynda eńbek etip júrgen jandar bar. Olardyń arasynda kitaphana direktory, órt sóndirýshi, kiim fabrikasynyń tehnology, naýbaishy, elektromonter, muǵalim jáne jattyqtyrýshy sekildi túrli mamandyq ieleri bar.
Bul qarapaiym eńbektiń eleýsiz qalmaitynyn jáne olardyń eńbegi laiyqty baǵalanatynyn bildiredi. Almaty oblysynda jumysshy mamandyqtaryn dáripteý, eńbek adamynyń mártebesin kóterý baǵytyndaǵy sharalar aldaǵy ýaqytta da jalǵasyn tappaq.
