Jańa oqý jylynan bastap Talǵar aýdanyndaǵy 10 mektep pen 3 kolledjde quqyqtyq mádenietti qalyptastyrýǵa baǵyttalǵan arnaiy joba iske qosylady, dep habarlaidy Dalanews.kz.
Baǵdarlama aiasynda zorlyq-zombylyqtyń, býllingtiń jáne quqyq buzýshylyqtyń aldyn alý boiynsha dárister ótkiziledi.
Sabaqtar 7–10-synyp oqýshylary men kolledj stýdentterine arnalǵan. Olardy prokýratýra men politsiiada eńbek etken tájiribeli mamandar júrgizedi. Jylyna – 36 sabaq, eki aptada bir ret ótedi.
“Bul – balalarǵa óz quqyqtary men mindetterin durys túsinýge, zańǵa qurmetpen qaraýǵa jáne daýly jaǵdailarda durys sheshim qabyldaýǵa kómektesetin bastama”, – dedi Balalar quqyǵyn qorǵaý komitetiniń tóraiymy Nasymjan Ospanova.
Pilottyq kezeń aiaqtalǵannan keiin joba elimizdiń basqa óńirlerinde de jalǵasyn tabady.
