Jańa ózgeriske sáıkes, jergilikti okrýg ákimderi, oblystyq polısıa departamenti indet anyqtalǵan aýmaqty polısıa jáne áskerı qyzmetkerlerdi tarta otyryp qorǵaýǵa mindetti.
Sonymen qatar, keselmen úzdiksiz kúresip jatqan aq halattylardy, turǵyndardan, otbasynan oqshaýlap, olarǵa qolaıly jaǵdaı jasaý qarastyrylǵan.
Olardyń stasıonardan bólek, turyp jatqan oryndarynda bir bólmege 1 nemese 2 adamnan artyq ornalastyrýǵa bolmaıtyny týraly qaýly qabyldandy.
Sondaı-aq jańa qaýlydaǵy ózgerister boıynsha, medısına qyzmetkerlerin jumys orny men turatyn jerinen tasymaldaýǵa arnaıy kólik bólinedi. Kólik júrgizýshisi óz kezeginde arnaıy tekseristen ótip turady.
Budan bylaı kólik qozǵalysy da báseńdeıdi. Jumystan berilgen arnaıy anyqtama bolsa, memlekettik tirkeýdi rastaıtyn kýáligi bar tulǵalar men sharýashylyqpen aınalysatyn jeke tulǵalarǵa ǵana kólikpen qatynaýǵa ruqsat etilgen.
Qala ishindegi qoǵamdyq kólikter bolsa, jumysyn ýaqytsha toqtatady. Al, elimizdegi ekinshi deńgeıli bankter men aqsha aıyrbastaý oryndary onlaın jumys rejımine kóshken. Jáne de «tutynýshylarǵa jetkizý» qyzmetin usyný arqyly jumys jasaıdy.
Atalǵan qaýlynyń oryndalýyn Almaty oblysynyń memlekettik bas sanıtarlyq dárigeri Qaırat Baımuhambetov qadaǵalaıtyn bolady.
