جاڭا وزگەرىسكە سايكەس، جەرگىلىكتى وكرۋگ اكىمدەرى، وبلىستىق پوليسيا دەپارتامەنتى ىندەت انىقتالعان اۋماقتى پوليسيا جانە اسكەري قىزمەتكەرلەردى تارتا وتىرىپ قورعاۋعا مىندەتتى.
سونىمەن قاتار، كەسەلمەن ۇزدىكسىز كۇرەسىپ جاتقان اق حالاتتىلاردى، تۇرعىنداردان، وتباسىنان وقشاۋلاپ، ولارعا قولايلى جاعداي جاساۋ قاراستىرىلعان.
ولاردىڭ ستاسيوناردان بولەك، تۇرىپ جاتقان ورىندارىندا ءبىر بولمەگە 1 نەمەسە 2 ادامنان ارتىق ورنالاستىرۋعا بولمايتىنى تۋرالى قاۋلى قابىلداندى.
سونداي-اق جاڭا قاۋلىداعى وزگەرىستەر بويىنشا، مەديسينا قىزمەتكەرلەرىن جۇمىس ورنى مەن تۇراتىن جەرىنەن تاسىمالداۋعا ارنايى كولىك بولىنەدى. كولىك جۇرگىزۋشىسى ءوز كەزەگىندە ارنايى تەكسەرىستەن ءوتىپ تۇرادى.
بۇدان بىلاي كولىك قوزعالىسى دا باسەڭدەيدى. جۇمىستان بەرىلگەن ارنايى انىقتاما بولسا، مەملەكەتتىك تىركەۋدى راستايتىن كۋالىگى بار تۇلعالار مەن شارۋاشىلىقپەن اينالىساتىن جەكە تۇلعالارعا عانا كولىكپەن قاتىناۋعا رۇقسات ەتىلگەن.
قالا ىشىندەگى قوعامدىق كولىكتەر بولسا، جۇمىسىن ۋاقىتشا توقتاتادى. ال، ەلىمىزدەگى ەكىنشى دەڭگەيلى بانكتەر مەن اقشا ايىرباستاۋ ورىندارى ونلاين جۇمىس رەجيمىنە كوشكەن. جانە دە «تۇتىنۋشىلارعا جەتكىزۋ» قىزمەتىن ۇسىنۋ ارقىلى جۇمىس جاسايدى.
اتالعان قاۋلىنىڭ ورىندالۋىن الماتى وبلىسىنىڭ مەملەكەتتىك باس سانيتارلىق دارىگەرى قايرات بايمۇحامبەتوۆ قاداعالايتىن بولادى.
