Almaty oblysynyń ákimi Amandyq Batalovtyń aitýynsha, qazir aimaq turǵyndarynyń densaýlyǵy basty nazarda. Sondyqtan koronavirýspen kúres boiynsha barlyq qajetti sharalar júrgizilýde. Arnaiy tehnika men barlyq qajetti dári-dármekter satyp alynady.
Jalpy somasy biýdjetten COVID-19-pen kúreske 3 milliard teńge bólingen.
Onyń 500 million teńgesi dári-dármek satyp alýǵa, 2 milliard teńgesi (onyń 700 milliony qosymsha rezervten bólinedi) ÓJJ jáne ottegi kontsentrattaryn satyp alýǵa, sondai-aq rentgen jáne basqa da apparattarǵa 400 million teńge bólindi.
Sonymen qatar, Máskeý qalalarynan kelgen keńesshilerdiń qatysýymen, sondai-aq Almaty qalasy ákiminiń orynbasary Erjan Babaqumarov pen Almaty oblysy ákiminiń orynbasary Batyrjan Baijumanovtyń qatysýymen Qarasai , Ile, Eńbekshiqazaq jáne Talǵar qalalaryndaǵy aýrýhanalardy aralady. Jumys sapary barysynda olar COVID-19-ǵa qarsy ótkizilgen barlyq is-sharalarmen tanysty.
Olar anesteziolog-reanimatologtarmen, infektsionistermen, pýlmonologtarmen, kardiologtarmen, terapevtermen, zerthanashylarmen, jedel járdem mamandarymen, medbikelermen tildesti.
Reseilik mamandar aýrýhanalardaǵy qalyptasqan jaǵdaimen tanysyp, tájiribelerimen bólisip, barlyq patsientter men qyzmetkerlerge densaýlyq tiledi. Aita ketý kerek, Reseiden 30 maman keldi, olardyń beseýi Almaty oblysynda uzaq merzimge qalyp otyr. Olar adam ómirin qutqarý úshin barlyq kúsh-jigerin jumsamaq.
Anar SABYROVA
