الماتى وبلىسىنىڭ اكىمى اماندىق باتالوۆتىڭ ايتۋىنشا، ءقازىر ايماق تۇرعىندارىنىڭ دەنساۋلىعى باستى نازاردا. سوندىقتان كوروناۆيرۋسپەن كۇرەس بويىنشا بارلىق قاجەتتى شارالار جۇرگىزىلۋدە. ارنايى تەحنيكا مەن بارلىق قاجەتتى دارى-دارمەكتەر ساتىپ الىنادى.
جالپى سوماسى بيۋدجەتتەن COVID-19-پەن كۇرەسكە 3 ميلليارد تەڭگە بولىنگەن.
ونىڭ 500 ميلليون تەڭگەسى دارى-دارمەك ساتىپ الۋعا، 2 ميلليارد تەڭگەسى (ونىڭ 700 ميلليونى قوسىمشا رەزەرۆتەن بولىنەدى) ءوجج جانە وتتەگى كونسەنتراتتارىن ساتىپ الۋعا، سونداي-اق رەنتگەن جانە باسقا دا اپپاراتتارعا 400 ميلليون تەڭگە ءبولىندى.
سونىمەن قاتار، ماسكەۋ قالالارىنان كەلگەن كەڭەسشىلەردىڭ قاتىسۋىمەن، سونداي-اق الماتى قالاسى اكىمىنىڭ ورىنباسارى ەرجان باباقۇماروۆ پەن الماتى وبلىسى اكىمىنىڭ ورىنباسارى باتىرجان بايجۇمانوۆتىڭ قاتىسۋىمەن قاراساي ، ىلە، ەڭبەكشىقازاق جانە تالعار قالالارىنداعى اۋرۋحانالاردى ارالادى. جۇمىس ساپارى بارىسىندا ولار COVID-19-عا قارسى وتكىزىلگەن بارلىق ىس-شارالارمەن تانىستى.
ولار انەستەزيولوگ-رەانيماتولوگتارمەن، ينفەكسيونيستەرمەن، پۋلمونولوگتارمەن، كارديولوگتارمەن، تەراپيەۆتەرمەن، زەرتحاناشىلارمەن، جەدەل جاردەم ماماندارىمەن، مەدبيكەلەرمەن تىلدەستى.
رەسەيلىك ماماندار اۋرۋحانالارداعى قالىپتاسقان جاعدايمەن تانىسىپ، تاجىريبەلەرىمەن ءبولىسىپ، بارلىق پاسيەنتتەر مەن قىزمەتكەرلەرگە دەنساۋلىق تىلەدى. ايتا كەتۋ كەرەك، رەسەيدەن 30 مامان كەلدى، ولاردىڭ بەسەۋى الماتى وبلىسىندا ۇزاق مەرزىمگە قالىپ وتىر. ولار ادام ءومىرىن قۇتقارۋ ءۇشىن بارلىق كۇش-جىگەرىن جۇمساماق.
انار سابىروۆا
