Polimerli tizbekti reaktsiia taldaýy «Covid-19» infektsiiasyn jyldam anyqtaýdyń birden-bir joly.
Almaty oblysy densaýlyq saqtaý basqarmasynyń atalǵan zerthanany Eńbekshiqazaq aýdanyna ornalastyrýynyń ózindik sebebi bar. Óitkeni Esik qalasyndaǵy emhana óńirdegi eń iri meditsinalyq mekemelerdiń biri.
Qazirgi tańda Eńbekshiqazaqtaǵy aýdandyq aýrýhanadaǵy meditsina qyzmetkerleri indet juqtyrǵan naýqastardy qabyldap, em-shara jumystaryn júrgizýde.
Al zerthananyń ashylýy aimaqtaǵy aýrýhana qyzmetiniń sapasyn jaqsartýǵa yqpal etedi. PTR zerthanasynda jumys isteitin mamandar álden biliktilikterin arttyryp, jańa qyzmetke kirisýge daiyn. Keselge qatysty taldaý alynatyn mekemege tek dárigerdiń joldamasymen, sondai-aq infektsiia belgileri bolǵan jaǵdaida diagnostikalaýdan ótkiziledi.
Búginde dárigerler jańa meditsinalyq orynnyń ashylýyn kútpei-aq, aimaqtaǵy aq halattylar juqpaly aýrýmen kúresýde.
Aýdandyq aýrýhanada karantin statsionary 13 naýryzdan bastap qyzmet etip keledi. Onda osy kezge deiin 140 adam em alǵan bolatyn. Indet juqtyrǵan júz adamaýrýynan qulan-taza aiyǵyp shyqqan.
Odan basqa, pravizorlyq statsionarda 86 naýqastyń 80-i dertten aiyqqan. Qazir 36 jan em-dom qabyldaýda.
Osy rette Almaty oblystyq «Birgemiz Jetisy» qoǵamdyq qory zamanaýi taldaý júrgizý ortalyǵynyń ashylýyna qarjylai kómek qolyn sozǵanyn aita ketýimiz kerek.
Anar SABYROVA, Almaty oblysy.
