پوليمەرلٸ تٸزبەكتٸ رەاكتسييا تالداۋى «Covid-19» ينفەكتسيياسىن جىلدام انىقتاۋدىڭ بٸردەن-بٸر جولى.
الماتى وبلىسى دەنساۋلىق ساقتاۋ باسقارماسىنىڭ اتالعان زەرتحانانى ەڭبەكشٸقازاق اۋدانىنا ورنالاستىرۋىنىڭ ٶزٸندٸك سەبەبٸ بار. ٶيتكەنٸ ەسٸك قالاسىنداعى ەمحانا ٶڭٸردەگٸ ەڭ ٸرٸ مەديتسينالىق مەكەمەلەردٸڭ بٸرٸ.
قازٸرگٸ تاڭدا ەڭبەكشٸقازاقتاعى اۋداندىق اۋرۋحاناداعى مەديتسينا قىزمەتكەرلەرٸ ٸندەت جۇقتىرعان ناۋقاستاردى قابىلداپ, ەم-شارا جۇمىستارىن جٷرگٸزۋدە.
ال زەرتحانانىڭ اشىلۋى ايماقتاعى اۋرۋحانا قىزمەتٸنٸڭ ساپاسىن جاقسارتۋعا ىقپال ەتەدٸ. پتر زەرتحاناسىندا جۇمىس ٸستەيتٸن ماماندار ەلدەن بٸلٸكتٸلٸكتەرٸن ارتتىرىپ, جاڭا قىزمەتكە كٸرٸسۋگە دايىن. كەسەلگە قاتىستى تالداۋ الىناتىن مەكەمەگە تەك دەرٸگەردٸڭ جولداماسىمەن, سونداي-اق ينفەكتسييا بەلگٸلەرٸ بولعان جاعدايدا دياگنوستيكالاۋدان ٶتكٸزٸلەدٸ.
بٷگٸندە دەرٸگەرلەر جاڭا مەديتسينالىق ورىننىڭ اشىلۋىن كٷتپەي-اق, ايماقتاعى اق حالاتتىلار جۇقپالى اۋرۋمەن كٷرەسۋدە.
اۋداندىق اۋرۋحانادا كارانتين ستاتسيونارى 13 ناۋرىزدان باستاپ قىزمەت ەتٸپ كەلەدٸ. وندا وسى كەزگە دەيٸن 140 ادام ەم العان بولاتىن. ٸندەت جۇقتىرعان جٷز اداماۋرۋىنان قۇلان-تازا ايىعىپ شىققان.
ودان باسقا, پراۆيزورلىق ستاتسيوناردا 86 ناۋقاستىڭ 80-ٸ دەرتتەن ايىققان. قازٸر 36 جان ەم-دوم قابىلداۋدا.
وسى رەتتە الماتى وبلىستىق «Birgemiz Jetisy» قوعامدىق قورى زاماناۋي تالداۋ جٷرگٸزۋ ورتالىعىنىڭ اشىلۋىنا قارجىلاي كٶمەك قولىن سوزعانىن ايتا كەتۋٸمٸز كەرەك.
انار سابىروۆا, الماتى وبلىسى.
