Májilis depýtaty Nurgúl Taý qysqy demalysta Almaty oblysyna jalǵasqan is-saparynda turǵyn halyqqa jaqsy jańalyqpen barǵanyn aitty, dep habarlaidy Dalanews.kz
Jarty jylǵa sozylǵan tabandy eńbektiń, sondai-aq QR Ulttyq ekonomika, Qarjy ministrlikteriniń jáne Almaty oblysy ákimdiginiń qoldaýynyń nátijesinde óńir úshin mańyzdy birqatar jobalarǵa qarjy bólindi.
Atap aitqanda:
— Talǵar aýdany, Turar Rysqulov aýylyndaǵy №16 mektepke japsarjai salynady;
— Eńbekshiqazaq aýdany, Teskensý aýyldyq okrýginde dene shynyqtyrý-saýyqtyrý kesheni boi kóteredi;
— Raiymbek aýdany, Qainar aýylynda dene shynyqtyrý-saýyqtyrý kesheni salynady.
"Sonymen qatar, sapar barysynda Talǵardaǵy agrobiznes jáne menedjment kolledjinde salynyp jatqan 115 oryndyq jataqhananyń qurylys barysymen tanystym. Bul – jastardyń sapaly bilim alyp, qolaily jaǵdaida turýyna baǵyttalǵan mańyzdy qadam.
Kezdesý barysynda belsendi turǵyndar kótergen barlyq másele jeke baqylaýyma alyndy. Ár suraq nazardan tys qalmaidy, júieli túrde zerdelenip, naqty sheshimder izdeletin bolady", - dedi ol.
Óńirlerdi damytý – qaǵazdaǵy josparmen emes, naqty iske asqan jobalarmen ólshenýi tiis.
