Almaty oblysynda «AMANAT» partiiasynyń «Aýyl amanaty» baǵdarlamasy aýyl kásipkerlerine úlken múmkindik berip jatyr,– dep habarlaidy Dalanews.kz «AMANAT» partiiasy Almaty oblystyq filialynyń baspasóz qyzmetine silteme jasap.
Sońǵy eki jylda óńirde 1300-den astam turǵyn jeńildetilgen nesie alyp, óz isin jolǵa qoiǵan. Solardyń biri – Eńbekshiqazaq aýdany, Baltabai aýylynyń turǵyny Talǵat Qanapiiauly. Ol kiiz úi óndirisin tabysty kásipke ainaldyrǵan.
Kásipker bul isti bes jyl buryn bastaǵanymen, óndiris aýqymyn keńeitýge qarjysy jetkiliksiz bolǵan. Osy rette ol «AMANAT» partiiasynyń Almaty oblystyq filialyna baryp, baǵdarlama aiasynda keńes aldy. Partiia ókilderi oǵan qujattardy rásimdeýge kómektesip, nesie alýdyń barlyq tártibin túsindirdi. Nátijesinde kásipker 3 mln teńge kóleminde jeńildetilgen nesie alyp, zamanaýi jabdyqtar satyp alyp, kásibin keńeitti.
«Baǵdarlama týraly estigen sátte birden kásipti keńeitý jospary paida boldy. Búginde ónimimizge suranys joǵary. Ásirese fermerler men týristik nysandardan tapsyrys kóp túsedi. Bul – otbasylyq biznesimiz, jaqyndarymnyń barlyǵy osy iske atsalysyp otyr. Kiiz úi – ulttyq qundylyq. Ony zamanaýi úlgide jasap, naryqqa beiimdeý – bizdiń basty mindetimiz. Baǵdarlama arqyly nesie alý óte tiimdi, paiyzdyq mólsherlemesi tómen. Sondyqtan aýyl turǵyndary úshin kásip bastaýǵa úlken múmkindik beredi», – deidi kásipker.
Búginde Talǵat Qanapiiaulynyń sheberhanasy jylyna 300-ge jýyq kiiz úi óndirip, satady. Ónim sapasynyń joǵary bolýy jáne ulttyq naqyshtaǵy zamanaýi dizain kásiptiń qarqyndy damýyna yqpal etýde. Kásipkerdiń aitýynsha, kiiz úilerge suranys negizinen fermerler, malshylar jáne týristik keshender tarapynan joǵary.
«Kiiz úidi ártúrli maqsatta paidalanýǵa bolady. Jazda saiajaiǵa qoisa, qysta qosymsha baspana retinde qoldanýǵa múmkindik bar. Sońǵy jyldary ekotýrizmniń damýymen qatar, demalys oryndarynda kiiz úilerge suranys artty. Kiiz úidiń ereksheligi – jazda salqyn, qysta jyly. Bul – ata-babamyzdan qalǵan qundy mura. Bizdiń aýylymyzda da bul kásippen ainalysatyn birneshe kásipker bar. Olardyń basym bóligi «Aýyl amanaty» baǵdarlamasynyń qoldaýymen kásibin keńeitip, óndiris qýatyn arttyrdy», – deidi kásipker.
Kiiz úi óndirisinde ulttyq naqysh pen zamanaýi tehnologiialar úilestirilgen. Otandyq naryqtan bólek, sheberhana ónimderine sheteldik týristik bazalar tarapynan da suranys bar.
Aita ketý kerek, biyl Almaty oblysynda «Aýyl amanaty» baǵdarlamasy aiasynda 1,7 mlrd teńgege 186 joba qarjylandyryldy. Baǵdarlama arqyly tek kiiz úi óndirisi ǵana emes, azyq-túlik óńdeý, jylyjai sharýashylyǵy, mal sharýashylyǵy jáne qyzmet kórsetý salalary boiynsha da jańa jobalar iske asyrylyp jatyr.
